影片
更多
2025-05-08
192 瀏覽
細細個周不時同屋企人去Mr. Steak食半自助餐，瘋狂擦凍海鮮又可以歎牛扒，令Mr. Steak呢個地方充滿童年回憶🥰最近就同老表一齊去Mr. Steak Buffet a la minute回味一下🤣而家佢哋嘅自助餐都頗受歡迎，皆因性價比幾高，晚市自助餐成人由$378起，由下午5點食到10點，可以食盡生蠔、龍蝦、蟹腳、和牛、鵝肝等超多款式，選擇及質素都媲美酒店自助餐，認真抵🤑嚟慶生啱晒🎂呢度有即焗心太軟，可以預先寫低祝福字句，師傅會逐一將心意畫係心太軟嘅碟上，有心思❤️自助晚餐（成人$378-488）🦪生蠔、凍海鮮、刺身壽司食自助餐點少得以凍海鮮打響頭炮😏呢度嘅選擇同質素都媲美酒店自助餐，有波士頓龍蝦、蟹腳、蟹鉗、翡翠螺、大蜆、熟蝦、青口等😍龍蝦啖啖肉，蟹腳蟹鉗值得encore，有海水鮮味😋生蠔金屬味突出，口感爽滑🥳呢度亦有不少大路刺身壽司選擇，三文魚刺身頗肥美，仲有鮮甜嘅紅蝦要試🦐🥗沙律冷盤冷盤有煙三文魚、一系列finger food、雜錦火腿、泰式鳳爪、雪燕沙律、涼拌麻辣豬耳木耳等，選擇極豐富👏🏻雪燕沙律加入不少雪燕夠養顏。涼拌麻辣豬耳木耳辣辣地幾開胃😽🥩佐賀和牛、美國牛柳、火炙
自助晚餐（成人$378-488）
🦪生蠔、凍海鮮、刺身壽司
食自助餐點少得以凍海鮮打響頭炮😏呢度嘅選擇同質素都媲美酒店自助餐，有波士頓龍蝦、蟹腳、蟹鉗、翡翠螺、大蜆、熟蝦、青口等😍龍蝦啖啖肉，蟹腳蟹鉗值得encore，有海水鮮味😋生蠔金屬味突出，口感爽滑🥳呢度亦有不少大路刺身壽司選擇，三文魚刺身頗肥美，仲有鮮甜嘅紅蝦要試🦐
🥗沙律冷盤
冷盤有煙三文魚、一系列finger food、雜錦火腿、泰式鳳爪、雪燕沙律、涼拌麻辣豬耳木耳等，選擇極豐富👏🏻雪燕沙律加入不少雪燕夠養顏。涼拌麻辣豬耳木耳辣辣地幾開胃😽
🥩佐賀和牛、美國牛柳、火炙和牛壽司、豚肉壽喜燒、片皮鴨、鵝肝多士
嚟Mr. Steak梗係要食牛啦🤪呢度嘅燒烤區有即切即刻係鐵板上燒嘅佐賀和牛薄片，係自助餐食呢個形式嘅鐵板燒都幾特別😚和牛有油脂香，加少少蔥花蒜片剛好。另一邊有燒美國牛柳，中間好粉嫩，食落帶肉嘅口感之餘中間亦juicy💦另外亦有火炙和牛壽司，和牛燒過之後油脂感十足好邪惡😈不過壽司飯就實咗啲。唔食牛嘅人仲可以揀豚肉壽喜燒、片皮鴨、鵝肝多士，一樣滿足到口腹之慾👻
🍲中西熱葷、燉湯
估唔到呢度唔止主打食牛，其他熱葷都有咁多選擇，好似霸王雞、避風塘生蠔、辣酒煮花螺、清蒸比目魚等，啱晒去自助餐鍾意食中菜嘅人👍🏻呢度仲有即炸天婦羅、咖喱、卡邦尼意粉等等。聽聞呢度燉湯出色，平時去自助餐唔飲湯嘅我都唔執輸拎返碗😝呢日有沙參玉竹海底椰排骨湯，每盅都有好多湯料。飲落清甜無添加，確實不錯😋
🍰甜品、雪糕
甜品有好多選擇，奶凍、Tiramisu、麵包布甸、芒果慕絲、藍莓芝士蛋糕、雜莓芝士撻、凍餅、抹茶慕絲、焦糖燉蛋、涼粉、豆腐花等應有盡有🤩當中幼滑可可味濃嘅朱古力慕絲以及清香解膩嘅桂花凍都唔錯。雪糕有Haagendaz🥳有成9款特色口味，仲可以自己加朱古力、杏仁、花生碎等toppings。
🍷酒類、飲品
冷盤有幾款芝士，隔離放咗好多支紅白酒可以成支任拎任飲，好爽😎唔飲酒呢度仲有桂花烏龍茶、橙汁等選擇。
推介指數（10分為滿分）：8分
張貼
