一入到去我哋就叫咗個小食——椒鹽九肚魚🐟$88，九肚魚肉質非常滑，酥脆好味！
湯底真係有非常多嘅選擇，令人花多眼亂，最後我哋就揀咗花雕藥膳乳鴿鍋 🐦 $168，呢個湯底足足用咗兩隻乳鴿去煲，店員建議我哋等湯滾起咗之後可以先飲一碗，有滋補養生、益氣養血嘅功效！藥材味真係幾濃郁，冬天飲真係非常暖胃！
另外火鍋配料方面，我哋就叫咗招牌手切肥牛(細)🥩$228、自家手包韭菜餃 拼 自家鮮蝦雲吞🥟$63、潮州白魚片🐠 $57、野生竹笙$62、皇帝菜🥬$38、勝瓜🥒$26，其中佢哋嘅手切肥牛牛味好重，韭菜餃同埋鮮蝦雲吞每一粒都非常大粒同飽滿，好值得大家叫嚟試吓！
買單嗰陣發現，原來呢度唔收醬汁、茶芥、加一費，香港真係好少見！總括嚟講，呢間舖頭親民貼地，店員好Nice好幫手，價錢亦都好合理，而且佢哋嘅湯底真係真材實料，感覺上健康好多！
