天廚海南雞

營業中

休息中

位於新蒲崗Mikiki出邊有好多唔同嘅小店食肆，我哋揀咗幾乎爆坐到滿嘅天廚海南雞餐廳。食物款式非常多，我哋今次3個人就揀咗無骨海南雞，肉骨茶配米粉，羊扒炒滑蛋飯另外加配三隻炸蠔，飲品。無骨海南雞雞，雞肉煮得恰到好處，肉質嫩滑多汁，師傅仲要去左骨，食得更加方便搭配特製的蒜蓉醬和醬油，味道更加豐富。肉骨茶就偏向咗馬來西亞風格，用上唔同藥材，排骨熬製而成，排骨滲透咗藥材嘅香氣再配上豆卜及米粉，淨係個湯已經可以將米粉食晒，吃起來十分過癮，回味無窮。羊扒滑蛋飯睇落去係一個簡單嘅料理，餐廳用上高質羊扒，煎完都唔會韌，配上滑面嘅炒蛋及咖喱汁，$76 e 個價錢簡直冇得輸。最後仲加配咗$20三隻吉列炸蠔，另外加$3就喺要杯嘢飲，個人覺得性價比非常好，推薦試吓。