東京街日本料理 (西洋菜南街)

營業中

休息中

今次試咗八款壽司。不得不提佢哋嘅怪獸壽司真係超有份量！🍣怪獸鰻魚壽司 $25「怪獸」級巨形鰻魚足足有半隻手掌咁大，份量十足。鰻魚仲非常肥美。🍣怪獸三文魚腩壽司 $25同樣係「怪獸」級嘅巨型三文魚腩有成一吋咁厚，斤両十足。肥美鮮甜，口感豐腴。🍣珍寶帶子壽司 $38咬落去就品嚐到珍寶級帶子鮮甜嘅味道，口感仲好彈牙。食得出用料好新鮮。🦀東京蟹皇飯 $128絲絲蟹肉混合蟹膏後厚厚地鋪滿白飯表面，啖啖鹹香鮮味。再加埋蟹子嘅甜味，令人食得滿足。🥗牛油果沙律 $58沙律菜好新鮮，牛油果份量唔少。醬汁係丘比日式沙律汁，酸味好開胃。🦪廣島吉列蠔 $48酥脆可口，咬落去仲爆晒汁。