一本食堂

營業中

休息中

話咁快又到咗年尾 ， 準備家居添置新廚具， 迎接新嘅一年。 觀塘美亞有開倉， shopping完之後睇睇附近有咩好食， 朋友是附近地膽，介紹了一間經濟實惠的日式餐廳， 就在 美亞廚具 橫街行入去， 一分鐘都唔使 就到咗餐廳啦。餐廳地方都幾寬敞， 而且充滿日式風味， 靚靚的櫻花佈置， 和風吊燈。 最重要坐檯之間的距離好寬闊， 最啱一大班朋友。朋友已經食咗晚餐，所以只係陪我嚟坐下。加州卷超多飛魚子， 卜卜脆好新鮮， 加州卷有好多件， 餡料有雞蛋蟹柳青瓜， 飯的質地 煙韌的都唔錯。肥牛野菜葛絲鍋(地獄湯底 中辣)向來都喜歡吃肥牛鍋， 這裏的價錢好抵食都係幾十蚊， 正當苦惱叫咩湯底嘅時候， 店員推介地獄湯底， 果然真的不錯， 辣辣地之餘又夠開胃。 肥牛嘅份量唔少， 仲有大量娃娃菜＋ 金菇＋冬菇， 同埋 吸收咗湯底精華的葛絲。大粒和牛串＋汁燒帆立貝呢度嘅串燒都唔貴， 新鮮燒出嚟熱辣辣， 不過就要等耐少少， 帆立貝好鮮甜又大粒， 牛肉辣辣地都幾香口。