Tonkotsu 8 by 三田製麵所 (Citylink)

營業中

休息中

經過沙田連城廣場，餓餓地上去一樓睇下有咩好食先，半年無嚟過，原來好多食店都轉晒啦，見到有間食拉麵的，就揀依間啦。兩個人點咗叉燒炸雞拉麵、炸雞香辣撈麵及炸雞中翼，份量剛剛好。叉燒炸雞拉麵叉燒水準不錯，炸雞如果可以分開上就比較好，唔會浸落湯令炸雞變腍，雞皮香脆、雞肉嫩滑，麵底可揀硬、軟或適中，我揀咗適中，掛上豬骨濃湯好好味。炸雞香辣撈麵辣味不算太突出，將雞蛋、沙律醬及紫菜拌入撈麵，令麵質口感層次更鮮明，味道即時提升。炸雞中翼點菜時忘記了，原來全部都係炸雞，返屋企要煲返涼茶下下火。