沖繩漁民食堂

營業中

休息中

去果欄買完生果，經過見到有間食定食的餐廳，$4-50起有定食及飲品，平平地真係好過返屋企煮。餐廳只有約九款定食，其中有多款吉列炸物，每份定食都配飲品，另外還餃子等小食。吉列豬扒炸得金黃香脆，吉列炸漿很薄，豬扒正常的厚度，肉質嫩腍，溫泉蛋呈流心狀，加上些香些燒汁，撈飯一流。照燒雞扒表皮香脆，雞肉亦不會煮得過火，保留了肉汁。飲品就有汽水或竹蓆茅根，另外要一讚店員見我們開風扇，即主動開大冷氣，非常貼心。