沖繩漁民食堂

營業中

休息中

今時今日，好難搵到一間平嘅日本菜，點知今日就搵到啦呢間舖頭位於油麻地地鐵站附近，都算容易搵！雖然鋪面唔算好大呀，但真係好彩唔洗等位，拿拿聲醫肚先！🫣賣相係幾好架，不過我影得一般，同埋太香啦！令到我食左少少先記得影一坐低就叫左佢既招牌卡邦尼烏冬，七十幾蚊咋，D烏冬上面應該仲用火槍燒香左，好特別我仲叫左炸軟殼蟹，食落脆卜卜架，都只係五十幾蚊，係市區來講真係好平民價㗎！總括黎講，呢餐都好滿意，雖然唔貴，但係有水準

喺繁忙嘅油麻地地鐵站出嚟，過幾條街，去到少人好多嘅新填地街，就見到呢間小店，位置唔算多，嚟到6點幾好彩唔洗排隊。menu有丼飯、烏冬、卡邦尼烏冬三樣野食，但配搭就有好多，牛肉雞扒軟殼蟹炸雞炸池魚乜都有，好多都想揀。最後叫咗慢煮日式薄牛柳烏冬 $65牛柳份量睇落好似唔算好多，不過食落都有十幾塊，好淋好軟熟全部烏冬都話係鰹魚湯底，一開始見佢咁白仲以為係豚骨吉列池魚烏冬 $62池魚有2舊，好脆，粉唔算厚，魚肉幾好食唔會又淋又霉，不過要點多多沙律醬仲好食。烏冬都幾彈牙炸軟殼蟹 $58$58有兩隻好抵，唔係一隻切開兩邊，係真係兩隻，不過個粉有少少厚送熱飲，可以叫檸蜜服務都唔錯

食呢間係因為朋友仔上網見到唔錯，中午時段衝咗去食，位置唔難搵，近近哋廟街～ 舖頭唔算大，唔係有好多張枱，我地當日一行六人，好好彩去到啱啱有位唔駛點等🤭坐低見到隔離枱食烏冬，賣相好似好好食😂 所以一坐低已經俾個烏冬吸引咗，本身諗住試卡邦尼漢堡扒烏冬，但係賣晒🥲最尾轉咗 #卡邦尼照燒牛脷烏冬 （$75）～ 個汁好Creamy幾特別，個面燒咗好香，個牛舌好入味，仲好腍，唔錯～可以一試～ 稍為不足係杯凍檸茶有啲細杯～

喺佐敦廟街附近夜晚已經算好靜嘅地方 居然有一間小小嘅餐廳✨如果要歸類嘅話都算係日式餐廳🇯🇵冇諗過開喺呢個位夜晚食飯時間都係可以坐滿晒 客如輪轉👀 餐牌定價仲要唔高 人均都係$50-$60左右 · 卡邦尼蜆肉烏冬 (HKD 64)呢個野食係一睇個名就超吸引我 以為佢會好似意粉咁樣撈一啲好「潔」嘅汁點知佢係偏向湯烏冬 係卡邦尼湯烏冬仲要有一隻流心溫泉蛋🥹100分！！個湯比較重胡椒味 但都不失卡邦尼嘅味 入口質感好滑 原來咁樣配烏冬係好好食🤤蜆肉都仲要好多添 再加少少火腿絲同埋菜因為佢比較稀身啲 所以食哂都唔覺得會好肥🤣🤣⭐️睇到最尾嘅你細細聲話你知依度嘅日式餃子超級掂 (HKD 32)以為係普通嗰啲勁少餡嘅日式餃子啦 點知佢入邊竟然係有雞軟骨脆脆嘅餃子🫨🫨 食落去係驚！一定會成日嚟食😋😋

芝士燒長蟹柳丼一般，就系芝士片加蟹柳加蛋放系飯上面，CP值低。慢煮薄牛柳烏冬呢個就吾錯，牛柳片好食，烏冬湯底有淡淡魚味，烏冬亦彈牙。炸海苔魷魚鬚最好食，魷魚鬚大條，炸到脆口， 咬落去食到濃濃紫菜味，口感同埋味道都正。😍😍

沖繩漁民食堂 (油麻地)油麻地新填地街143-151號俊逸豪園地舖地點好易搵，係247 對面😂😂😂😂✅1. 燒鰻魚飯2. 燒雞扒配日式烏冬幾好坐，性價比高，推介佢嘅烏冬，湯底清淡唔會太咸，然後燒雞扒嘅皮又脆口，味道重d 同烏冬好夾呀✌🏻😏❤️🎀🫶🏻🥨#油麻地美食#油麻地打卡#油麻地小店#hkig#hkfoodie#hkfoodblogger#hkfoodlover#hkfoodblog#hkfoodstagram#yaumadei

餐廳位置比較偏僻（要經過小巷，而且餐廳附近都無其他餐廳，要少少似隱世美食店既感覺😂😂）而且淨係收cash，不過呢餐廳幾乾淨，裝修都算新（幾日本風），最重要既係D野食係出乎意料既好食！真係無念過50到80幾呢個價錢可以食到呢個質素既野食！！我個陣叫作個日式日式卡邦尼煙三文魚烏冬同埋炸軟殼蟹丼。個軟殼蟹同個卡邦尼醬真係好surprise，同埋用卡邦尼個醬撈飯食都好好食！！不過餐廳收9:20，last order就9:00，大家要注意啦～

這小店名字雖叫「沖繩漁民食堂」，其實裡面賣的與沖繩與漁民沒有多大關係，海鮮菜式不是沒有，是少，沖繩菜嗎？好像也沾不上邊。不過之前偶爾路過，我就被它的店名吸引，而且大概知道它有甚麼吃，就終於找了一天，前去吃了一個「蜜糖照燒皇帝鱲魚烏冬」午餐。其實這小店主打的是日本鰹魚湯讚岐烏冬，配以不同食材後，就有超過十款烏冬可供客人選擇，要是想吃飯的話，這店子也有多款日式溫泉蛋丼飯給顧客挑選。在各款烏冬中，「蒲燒鰻魚烏冬」（$78）是價錢最貴的，其次便是我這天吃的「蜜糖照燒皇帝鱲魚烏冬」（$72）。這烏冬的確是不錯的，湯味甜得討好，烏冬軟滑，開邊的溏心蛋也挺流心。這烏冬的主角----蜜糖照燒皇帝鱲魚----則是另上的，撒上了不少芝麻的魚皮煎得金黃誘人，肉質結實得來不會流於乾硬，而且又夠大件。一邊呷湯，一邊吃烏冬，再佐以香甜的魚肉，雖然簡單，都算是好味又健康的一餐。

同朋友係油麻地食lunch，正當諗緊食咩果陣，朋友就話去沖繩漁民食堂，聽講烏冬都好好食，於是入去食下。入到去餐廳枱同枱唔算太逼，空間感都十足，唔會有好局促感覺，環境俾人乾淨既感覺。蜜糖照燒雞扒烏冬$62，雞扒都算大塊，有番一定厚度，烏冬有d彈牙感覺，至於個湯底飲落唔太咸，唔俾我有種口渴感覺。唔鍾意食烏冬，餐牌仲有其他食物款式，炸豬扒丼，鰻魚丼，豚肉燒丼，日式牛丼，炸軟殼蟹丼等等，價錢都係50-70蚊，非常經濟，價錢係走街坊路線，物超所值。

已經係第二次嚟食佢嘅烏冬😍簡直係食過返尋味🤤最緊要係全日都送餐飲～真係好抵呀！而質素仲一啲都唔差😋1️⃣卡邦尼蜆肉烏冬（$63）一上枱就傳嚟香噴噴嘅芝士味🤤因為表面燒香咗，所以特別惹味！而撈勻食落有好濃芝士味，但又唔會太膩👍🏻加上除咗芝士仲有粒粒黑椒，所以有黑椒味食落味道唔會太單一🙌🏻另外仲有一隻溫泉蛋，篤穿佢再撈勻就更加有卡邦尼風味😍😍煮法真係一啲都唔hea☺️而今次揀咗加埋蜆肉，因為本身淨卡邦尼剩係得煙肉，所以加埋蜆肉就會有其他配料嘅鮮味😆唯一可以改善嘅係烏冬底，建議可以用更彈牙嘅讚岐烏冬～不過可能就要加價了🤣2️⃣蜜糖照燒雞扒烏冬（$62）烏冬湯底係鏗魚湯，飲落好清，一啲都唔喊😚撈烏冬食係非常夾🙌🏻而照燒雞分開上睇落都好多件，而且同樣有燒香過，食落都好惹味！仲有一隻溫泉蛋附送，不過就無咩味～～呢個烏冬雖然無卡邦尼咁驚豔，但就勝在抵食同湯底吸引😆📍總結：-真係平民價👍🏻

沖繩漁民食堂🐟📍 油麻地新填地街143-151號俊逸豪園地舖♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎小編一直都好想試呢間小店，終於有機會啦🤭❤️，事關呢間小店，星期日係休息既🫣，所以好難有機會食到。呢間鋪頭最出名既，就係麵食係用日本🇯🇵鰹魚湯做湯底，而個湯底係好濃郁既， 都值得去試下🤘🏻，另外仲有其他飯類定食。🌟 慢煮日式牛柳烏冬 $65呢個餐其實唔錯既🙈，配牛肉個汁都好好味， 不過可惜個牛得耐左少少🤏，所以有d 硬，如果唔係煮得咁耐， 會更加好👍🏻😅。🌟蜜糖照燒帝皇𩶘魚烏冬 $72呢個燒魚甜甜地，肉質唔錯👍🏻， 配埋咁大碗烏冬， 基本上都好飽😛。🌟 炸海苔魷魚鬚🦑 $46呢個魷魚鬚既特別之處係， 咬落去會食到紫菜味😂，口感同埋味道都唔錯既。整體推介指數：❤️❤️❤️🤍🤍🧸如果鐘意小編既介紹，請即Follow 之後再㩒下右上角個🔔, 小編定期會為你送上最新資訊☺️謝謝支持。♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎

位於油麻地內街既一間專食日式飯/烏冬既小店。我叫左和風薑燒薄豚肉烏冬。鯉魚湯鮮甜，烏冬亦都彈牙。豚肉非常入味，好重薑味，但又唔會辣口。午餐都只係$60包熱飲，價錢合理。

兩位好友的到來，表示想吃這一間日本料理，我都抱著嘗試的心態來到了這一間餐廳。叫了炸軟殼蟹烏冬、照燒牛舌丼、卡邦尼煙三文魚烏冬、炸海苔魷魚鬚，無一不是美食。炸軟殼蟹酥脆可口，烏冬的湯底是不錯的豬骨湯，雖然不是一些非常驚艷的湯底，但已經比一大堆打著日本料理的店好多了。牛舌丼，吃的那一刻已經讓我張大了瞳孔柔軟的牛舌，略帶甜味的照燒汁，啊，多麼舒暢的感覺。完吃

沖繩漁民食堂地址: 油麻地新填地街143-151號俊逸豪園地舖#yauyau_油麻地🍖🍲炸豬扒烏冬 $60呢度嘅湯底相當濃厚，飲到好香魚味，但係飲完呢又唔覺得好口渴喎，烏冬煮得相當出色，唔會煮得太耐，可以保持到嗰種煙靭口感。烏冬面仲有啲木耳啊同紫菜好適合撈埋烏冬嚟食。炸豬扒炸粉好薄，中間嘅肉都唔會靭，呢個價位食嘅晚餐相當之高性價比。🍖🍖和風薑燒薄豚肉烏冬 $60豬肉切得比較薄，燒到好香薑汁味但係又唔會蓋過豬肉本身嘅味道，做到相輔相成嘅效果但係個份量就得比較少啦。套餐包埋嘢飲，加菜蜜都唔使加錢添，好抵呀。呢度好近廟街玉子燒，大家食完唔夠飽可以去食埋。味道: 4/5服務: 4/5環境: 3.5/5番兜: 3.5/5#油麻地美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #日本菜 #油麻地日本菜 #烏冬 #沖繩漁民食堂

午膳時間，走到後面街找吃，有間日式小店，隔著玻璃窗看到蠻企理，整潔光猛。「炸豬扒丼」$50即炸吉列豬扒伴半生熟煎蛋，還有少許沙律菜，豬扒香脆中等厚度，把蛋王弄開在珍珠米飯中，少許鹹味，味道不錯，這個定價，真的無得輸。包普通飲品，點了熱檸密，在秋風中滋潤一下喉嚨。「蒲燒鰻魚丼」$68一整條小鰻魚，沒什麼小骨，汁雖不多，但味道已足夠，太多反覺會過鹹，友人也感他的米飯口感好。餐飲可配檸蜜，略為細杯，大一點會更理想。越來越多學生與家長進來，原來這是個街坊小飯堂，在附近的話可以再來。今午又走了過去吃，幫襯優質小店。