沖繩漁民食堂

營業中

休息中

重新WFO 既第一日晚上，約朋友黎到油麻地搵好嘢食星期二晚上唔多人，我哋一邊傾偈嘅同時，眨吓眼嘢食就到齊！蜜汁照燒雞扒當照燒汁非常入味，溫泉蛋都好好食，水平不錯嘅日本菜❤️清酒煮蜆好耐冇食過蜆，趁熱食，蜆肉都幾新鮮😝薄牛柳片烏冬全晚最有驚喜就係呢一個薄牛柳片烏冬，烏冬非常入味，湯底濃郁，加上有牛味嘅牛柳片，雖然簡單，但係又食住家日本菜嘅味道😝位於油麻地地點都方便，門口有落地大玻璃，一眼睇到入邊嘅環境，雖然座位不多但係坐得幾舒服🙂

沖繩漁民食堂 (油麻地)油麻地新填地街143-151號俊逸豪園地舖為咗讓個仔唔好咁宅，星期六日都會盡量帶佢出去食飯，今日嚟到油麻地行下，我個仔就好鍾意食日本嘢，烏冬同拉麵🍜今日就嚟到沖繩漁民食堂食好嘢👏🏻環境企理乾淨，梳化好坐，店員非常親切，好關顧我哋嘅感受，一眼關七，服務好周到。檸檬雪碧 跟餐$6凍檸檬🍋菜蜜 跟餐$2清酒煮蜆 $45大大隻蜆，冇沙，好乾淨，肉質清甜，湯底好飲，可以飲埋碗湯，送飯一流。薑蔥蒜提升左湯嘅鮮味，食埋佢真係好補身。性價比極高，$45就有一大碗蜆食，真係開心🥳雞扒丼$52隻溫泉蛋煮得超滑，係成個飯嘅靈魂，照燒雞扒，煎得夠脆，肉質鮮嫩，照燒汁好味到，我仔問佢添咗少少照燒汁送飯添。長蟹柳烏冬$60超吸引嘅兩條大蟹柳，上面炙燒嘅芝士真係香噴噴，烏冬超彈牙，湯🥣勁好飲，蛋香滑，勁快食晒。係一個好地方，促膝談心，今日係一路食飯一路NICE TALK😊😊😊

在假日晚上在旺區外出找吃的，最怕等位還要吃沒甚質素的食物，過到油麻地這邊卻有家隱世食店，收費相宜而且夠清淡，家庭風卻又不會太寡寬敞的座位，輕鬆的氛圍，坐得很舒適雞扒丼$52大大塊的切件雞排加上兩隻流心温泉♨️蛋，澆上少量照燒汁，簡單的搭配，充足的蛋白質跟碳水，夠飽肚味道亦不俗和風薑燒豚肉烏冬$60使用非常煙韌的讚崎烏冬，麵粉香濃而且豚骨湯夠濃，豚肉汁還真的帶有薑的香味，豚肉片瘦而不會鞋，$60來說是相當不俗的性價比炒雜菜$38簡單的炒雜菜，炒得夠乾身，蒜🧄味濃郁又爽脆，份量亦頗大，讚啦

今晚去咗油麻地食日本菜沖繩漁民食堂😊叫咗個雞扒丼，雞肉好嫩有汁，肉質好鬆化唔會好乾好硬，仲有啲雞扒汁喺上邊甜甜地，食嘅時候刺穿溫泉蛋，D蛋黃汁撈飯好好味，食唔停口😋😋👍🏻👍🏻仲有點左慢煮日式牛柳片丼，牛柳片簿身易入口，好香牛味，上面加左啲照燒汁，好有口感，呢個飯丼都係有個溫泉蛋，蛋黃汁溝埋啲牛柳送飯一流😋😋👍🏻👍🏻然後再叫咗兩個餸一個係清酒煮蜆，同埋芝士長蟹柳，清酒煮蜆湯汁好香清酒味，清酒滲入蜆肉變得鮮甜👍🏻👍🏻芝士長蟹柳雖然好簡單，但係佢加咗酸沙律醬喺上邊，味覺好有層次，好開胃🥰🥰🥰❤️👍🏻👍🏻唔少得叫咗兩杯凍檸茶，呢種不鏽鋼杯可以保持凍飲嘅溫度之餘，口部接觸杯的時候都會感覺冰涼，cool～～❤️👍🏻

#油麻地美食 #小蓮星呑食油麻地🔻 沖繩漁民食堂油麻地新填地街143-151號俊逸豪園地舖/ 🧃和風薑燒薄豚肉讚岐烏冬 $50份量好多，豚肉切薄片， 肉質滑嫩，每件豚肉都沾上惹味燒汁同埋好香薑燒味，送飯一流，不過我今次揀咗配烏冬。讚岐烏冬本身已經煙韌，加上鏗魚湯底，非常鮮味。/🧃慢煮日式牛柳片don $55微紅嘅牛柳片鋪滿飯，見到已經流晒口水，慢煮嘅關係，肉質好鮮嫩，同埋好入味，底下仲有隻溫泉蛋，日本雞蛋送飯，半粒飯都無剩。/🧃日本炸海苔魷魚鬚 $46炸粉溝左海苔，味道即刻上一層次，魷魚鬚都好彈牙，做小食一流。/🧃清酒煮蜆 $45有30幾隻蜆，無沙，好鮮甜大隻。/🧃靜岡蜜瓜梳打 一句講晒，有種去沖繩旅行嘅感覺。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

沖繩漁民食堂，個名驟耳聽來，好似高級嘅日本食肆，其實係間價錢勁親民嘅日本丼飯同烏冬小店，套餐（包紙包或罐裝飲品）五十蚊起有交易。第一次幫襯，試個 menu 上面幅圖最大嘅照燒雞扒溫泉蛋飯，雖然實物同幅圖有啲分別（雞扒同飯唔係分開上），但係絕對無損我對佢嘅評價。首先，雞扒份量夠多，燒得好香之餘，雞肉亦不失嫰滑；其次，溫泉蛋飽滿有蛋香，一篤穿，蛋汁流出，撈飯一流👍。五十蚊嚟講，又係呢句：性價比超高😙。

當日叫了照燒雞扒溫泉蛋飯 ($50) 及漫煮牛肉溫泉蛋飯 ($60)，非常好吃！雞扒燒得很脆，雞皮也是脆卜卜，沒想到平民飯店能吃到這種水準，十分意外！雖然店內裝飾一般，但是十分乾淨，價錢親民，絕對樂意每天都吃！

这家店我不止一次路过，终于有机会来打卡一波，当时因为疫情已经开始，朋友不太放心在店里吃，我们就选择了在门口点完餐带回去吃，我们都点的猪扒饭，朋友点的是带温泉蛋的，我的是纯咖喱饭，个人觉得给的猪扒量蛮多的，并且有把猪扒和咖喱分开装，就是店员阿姨态度比较一般。

第一次想食評就獻俾呢間小店～ 星期六下午五點去，全場只有我同另一個女仔。Menu唔多野揀，但老闆娘有信心話樣樣都好食。我話第一次去，老闆娘叫我試下照燒雞扒飯。本來有啲猶疑，因為好多時雞扒喺出面都好易食到一陣雪味。送到上黎有驚喜，雞扒燒得好香好正！邊邊有d脆脆地，照燒汁加溫泉蛋送飯啱啱好～！份量亦都足夠。好味到唔洗15分鐘就食晒！50蚊咁既質素非常可以！一定會再返去試下其他飯同小食～可以考慮成為常去既飯堂🤭

#沖繩漁民食堂今次講嘅係位於油麻地嘅日式餐廳💕沖繩漁民食堂🤤🤤呢間完全係隱世餐廳🐯男女小編都搵咗一陣先搵到☺️☺️但係值得一提嘅係店員姐姐超級好人😻😻態度非常之好🤍🤍完全係愛嘅感覺✨✨店舖方面都幾多位 但都要早少少去食阿🤩🤩日本蒲燒鰻魚温泉蛋飯 $60💰（8/10）送到上枱面 女小編嚇親🙈🙈係有成條嘅鰻魚阿🤩🤩仲要係幾大條😍😍而鰻魚個底仲放佐温泉蛋😋😋移開條鰻魚 篤爆粒温泉蛋 啲蛋漿流晒落啲飯到🤤🤤令到個飯充滿蛋香味 撈埋一齊食好惹味✨✨而鰻魚燒得好香 仲要無骨 可以一啖鰻魚一啖飯咁食 ‼️而且鰻魚都幾肥美 配埋舖係面頭嘅醬真係好入味😻😻性價比極高 以呢個價錢 呢個質素😋😋完全抵食✨✨慢煮日式牛扒飯 $60💰 （8/10）呢個絕對俾到驚喜小編 由於男小編係食肉獸 一坐低就即刻叫佐呢個慢煮日式牛扒飯🤤🤤🤤送到上枱見到牛扒份量好多 而且係好粉嫩💗個慢煮牛扒一啲都唔韌🤩🤩將配埋隻溫泉蛋 可以攞嚟撈飯食😋😋溫泉蛋仲要好流心🤤🤤🤤令到個飯好有蛋香味☺️☺️呢個都係超級高質 性價比極高 完全可以返嚟再食🤍🤍🤍睇到呢度 快啲約埋朋友一齊去‼️‼️推薦指數🌟 8 / 10 🌟沖繩漁民食堂 (油麻地)⚜️油麻地新填地街

朋友推薦我食呢間話又平又大份又好食個位有啲偏遠所以就七點半到都唔洗排隊朋友叫左牛肉丼飯同吉列豬扒飯我就叫左日式芝士卡邦尼烏冬佢哋上得都幾快啲牛肉好薄都舖滿左成碗飯然後塊吉列豬扒都幾多朋友都話食唔完我個烏冬就最遲到上到嚟就熱辣辣面頭鋪左一層芝士炙燒過 然後有成碗芝士卡邦尼汁絕對唔會好乾或都食到最很冇汁不過我就唔食黑椒又唔知佢原來有黑椒所以最後就冇飲埋的汁啲烏冬都幾煙靭 不過個煙肉就得幾塊食到最後都會有啲滯 不過總括嚟講都幾好食同平

有時食日本嘢閒閒地都差唔多成百蚊作為長期糧尾子都要搵啲平啲又高汁嘅代替品🤪去開油麻地諗住睇下有咩日本嘢食搵到呢間係油麻地電影中心附近嘅日本菜價錢都唔算太貴就去試吓店舖小小 裝修較簡單但環境算企理應該以街坊生意為主餐牌上都有好多款選擇丼飯 烏冬 小食大部分都係$60以下仲要包埋飲品😲日式三重芝士卡邦尼湯讚岐烏冬見到個名已經覺得好有罪惡感😆面頭仲好有心思有炙燒芝士以為三重芝士會好漏但食落又唔係喎！湯底唔算太結但有濃郁芝士味同奶香加埋煙肉碎有啲鹹香仲有隻溫泉蛋撈埋真係好卡邦尼feel🤣讚岐烏冬夠滑身又煙韌 唔錯！照燒雞扒溫泉蛋飯估唔到$50價錢嘅雞扒份量都幾多而且幾好食！雞扒好香燒烤味雞皮帶脆但肉質幾嫩滑 一啲都唔柴又唔會有雪味/雞羶味醬汁甜甜鹹鹹幾正溫泉蛋可以督穿連蛋汁一齊送飯不過如果醬汁多啲就好啲食到最尾飯底比較乾-絕對係抵食又唔差嘅平價良品！雖然食完都仲未知同沖繩有咩關係🤣但食物質素真係唔錯！經過呢邊可以嚟一試！

前排因為拗柴，可以周圍走嘅地方唔多… 今日覆完診，就係附近搵間餐廳食未到午餐時間，一人搵位都唔易…午餐時間都幾full 親民小店位置不多，只能坐6-8枱4人位無幾耐已經見有人放飯出動搵位但老闆娘都好好安排 環境方面都好舒服同乾淨叫左堂食 照燒雞扒溫泉蛋飯，連汽水 ($50)味道不會太濃，雞扒也不會太油和份量剛剛好只是飯有點硬但希望醬汁多D, 同埋菜嘅款式可以有熱菜… 因為整體的飯餐已經偏冷，有一點熱菜或湯會更好

係新填地街依個位置開，平時夜晚都比較少人經過，都預左係做街坊生意多，所以經過見到價錢都好合理。今日幫襯，雖然唔多選擇，但係present都幾好，唔似茶記咁。我揀左吉列豬扒溫泉蛋烏冬（$50-->轉烏冬另加$10，所以係$60）包一罐飲品加$10烏冬係日本製讚岐烏冬，入口都煙韌彈牙嘅，唔係噹噹個Ｄ。不過湯底冇乜味，加左好多七味粉都改變唔到佢嘅啖味。吉列豬扒就咁睇好似份量多，但炸得太乾啦，食到個上顎有d痛。加上塊豬扒拍得太薄，所以肉其實好少。溫泉蛋係唯一可以讚嘅～先生叫嘅照燒雞扒烏冬（$50-->轉烏冬另加$10，所以係$60）佢都話燒雞扒好乾，所以佢最後都食淨左。欣賞佢環境算乾淨，夠光猛同價錢合理，但係如果食品質素提高返少少會更好。

呢度專門食日本丼飯同定食類 選擇都幾多 幾有水準 大家試下都唔錯唐揚炸雞溫泉蛋飯 慢煮牛扒飯 唐揚雞丼飯 選用無骨雞肉 先醃後炸香脆可口 咬開有肉汁 雞皮超級脆 肉嫩滑 送多隻溫泉蛋比你食添呀!蛋汁撈飯或者沾雞肉食都一流!慢煮牛帶少少粉紅色之餘，仲應該用火槍燒過 好香,再淋燒肉汁 肉色粉嫩 口感嫩滑 牛肉下面仲有一隻溫泉蛋 牛肉配埋蛋汁拌勻食更加香滑 肉味濃郁~油麻地新填地街143-151號俊逸豪園地舖平均消費$150評分8/10