泰 (瓊華中心)

營業中

休息中

呢間係旺角同銅鑼灣都有店既泰菜餐廳，除左散叫之外，晚市既套餐都好抵食，而且份量每樣都好大份！呢個椰汁雞湯有個明爐熱住，一路熱一路聞到個陣椰香味飄出黎，濃香既椰汁雞湯望落個顏色已經覺得好濃郁。表面油份唔多，入面包括有洋蔥同埋磨菇增加口感之餘，洋蔥既甜味煮埋出黎令個湯更加清甜！天氣凍凍地飲兩碗成個人都即刻暖返晒另外原條青檸明爐烏頭魚雖則要另加$38，但係味道同品質絕對係交足質素！明爐明火煮住條烏頭魚，真係唔洗驚食得耐會放凍左。新鮮青擰擠落去條魚同個湯到，清新既青檸味直接將條魚個香味帶左出黎，條魚仲要無任何泥味，非常新鮮好食。《抵食既晚市二人套餐》 明爐椰汁雞湯青木瓜沙律泰式沙嗲4串原條青檸明爐烏頭魚(+$38)油飯兩碗兩杯飲品香茅雞翼6隻 $98另外散叫左6隻香茅雞翼，脆香既炸皮散發住濃香既香茅味道。雞翼本身夠大隻炸粉唔會太厚，而且肉汁仲保留到好多，幾香口既小食。