影片
更多
2022-06-17
446 瀏覽
地址－麵檔銅鑼灣勿地臣街10號地舖有日趁銅記半年一次大減價去放一放血，睇睇可憐而瘦弱的銀包，都唔忍心再傷害佢，所以就去食一食平野，行行下見到呢間價錢唔高之餘，裝潢又充斥住80-90年代的懷舊風格，咁就去試下。💋五餸(韭菜餃，五香牛腩，酸甜齋，瑞士雞翼，清湯蘿蔔加腩汁同辣汁粗麵)，呢個價錢食到5個餸，真係勁抵！佢D配料都唔會將貨就價，佢個韭菜餃唔好講笑，都幾大隻，食落韭菜香濃，肉質彈牙，五香牛腩五香味好重，而佢D牛腩炆煮時間岩岩好，唔會痴牙，酸甜齋係車仔麵舖出現好特別，所以點黎試下，佢煮到好淋，而且不失酸甜齋的味道，配埋湯底好夾，瑞士雞翼大隻得有點過份，佢煮到好入味，食到甜甜地的味道，唔錯，清湯蘿蔔佢D蘿蔔食落清甜無渣，食左咁多款濃味的配料後帶黎一點特別的味道，沖淡一下味蕾，而佢個腩汁味道好香濃，配埋粗麵食好唔錯，而佢個辣汁好貼心咁用匙另外裝好，方便客人控制份量，食落香辣而且將碗麵的味道提升唔少，正！💋五餸(鹵水孖筋，蠔油花菇，南乳豬手，秘製雞翼尖，懷舊豬大腸加腩汁同懷舊沙爹醬米線)，鹵水孖筋，佢呢個孖筋食落爽口彈牙，而且勁入味，勁香鹵水味，正，蠔油花菇，佢呢個花菇蠔油味道香濃，佢D花菇
銅鑼灣勿地臣街10號地舖
有日趁銅記半年一次大減價去放一放血，睇睇可憐而瘦弱的銀包，都唔忍心再傷害佢，所以就去食一食平野，行行下見到呢間價錢唔高之餘，裝潢又充斥住80-90年代的懷舊風格，咁就去試下。
💋五餸(韭菜餃，五香牛腩，酸甜齋，瑞士雞翼，清湯蘿蔔加腩汁同辣汁粗麵)，呢個價錢食到5個餸，真係勁抵！佢D配料都唔會將貨就價，佢個韭菜餃唔好講笑，都幾大隻，食落韭菜香濃，肉質彈牙，五香牛腩五香味好重，而佢D牛腩炆煮時間岩岩好，唔會痴牙，酸甜齋係車仔麵舖出現好特別，所以點黎試下，佢煮到好淋，而且不失酸甜齋的味道，配埋湯底好夾，瑞士雞翼大隻得有點過份，佢煮到好入味，食到甜甜地的味道，唔錯，清湯蘿蔔佢D蘿蔔食落清甜無渣，食左咁多款濃味的配料後帶黎一點特別的味道，沖淡一下味蕾，而佢個腩汁味道好香濃，配埋粗麵食好唔錯，而佢個辣汁好貼心咁用匙另外裝好，方便客人控制份量，食落香辣而且將碗麵的味道提升唔少，正！
💋五餸(鹵水孖筋，蠔油花菇，南乳豬手，秘製雞翼尖，懷舊豬大腸加腩汁同懷舊沙爹醬米線)，鹵水孖筋，佢呢個孖筋食落爽口彈牙，而且勁入味，勁香鹵水味，正，蠔油花菇，佢呢個花菇蠔油味道香濃，佢D花菇煮到好入味，大大隻之餘咬落又淋身，南乳豬手方面，佢豬手煮到好入味，比到我入口即溶的感覺，好正，秘製雞翼尖，佢D雞翼尖算幾大隻下，方便食用，而佢味道辣辣地咁，幾刺激，而佢個豬大腸處理得幾好，冇臭味，煮得又入味，肥瘦勻稱咁，唔錯，配埋佢個沙爹醬一齊食，成碗米線真係會帶黎不一樣的感覺，可能呢個就係佢地所講的懷舊吧。
💋鮑汁雞腳，佢個雞腳SIZE唔細之餘，數量又唔少，咬落都幾淋身，而且佢D鮑汁又唔會太鹹，食落雞腳勁入味，正！
張貼
