柏麗廳

營業中

休息中

最近搵到間抵食性價比高嘅酒店自助餐，食物種類多元化，豐富又有質素☺️講起海鮮，真係不得了！有龍蝦、蟹腳、蝦，全部都好新鮮。仲有即開日本生蠔，肥美多汁，好鮮味！另外青口、螺、蜆等等，都應有盡有，鍾意食海鮮嘅你，包你食到捧住個肚走！刺身方面都唔輸蝕！即切原條吞拿魚、牡丹蝦、三文魚，全部厚切，仲有魷魚、帶子、赤貝、八爪魚等等！熟食區都好多嘢食！佐賀和牛、鵝肝，入口即溶，真係yummy yummy！仲有一品鍋，入面有鮑魚、花膠等，矜貴又滋補！北海道豚肉壽喜燒，甜甜哋，好啱香港人口味！食最後梗係要食返啲甜品啦！甜品區款式多到數唔晒，仲有雪糕添！最正係可以喺心太軟上面寫字，咁就可以同朋友或者另一半慶祝吓啦！