鴻運食菜館

營業中

休息中

小店位於通菜街，提供多款地道嘅川菜料理，酸菜魚、檸檬魚、藤椒魚、水煮魚、烤魚、辣子雞、田雞、小龍蝦等應有盡有。價錢合理而且地點方便，經過可以一試。烤魚選擇眾多，可以自行選擇魚類、口味同辣度。麻辣、蒜香、泡椒、海鱺魚、鉗魚、江團魚，唔夠飽可以加配料。要咗個蒜香鉗魚，好大一條，外層脆身，魚肉嫩滑，入味，搭配娃娃菜、腐竹等，越食越過癮。老壇酸菜魚係呢度嘅招牌菜，用古法炮制，配以上述天然魚骨湯，魚肉爽滑，又鮮又香，老少皆宜，值得一試。小菜款式都有唔少，可惜太晏到，好多菜式已經無啦，記得要提早時間去！乾煸四季豆完全唔油膩，仲好乾爽，帶點微辣、西紅柿炒蛋比出面鹹少少，蛋煎香，番茄一片片，做法都幾特別。咸魚茄子細細一煲 ，茄子去曬皮，方便食用，十分貼心，而且煮至入味，呢幾款都好適合配飯碗熱辣辣嘅白飯。