川之源

營業中

休息中

自己雖然唔算食得辣，但都幾鍾意間中挑戰下自己嘅味蕾。呢間鋪位置方便，喺西營盤站行5分鐘左右就到。門口掛住兩個紅色大燈籠，色調主要為深紅色同黑色為主，有一幅簡單嘅粉筆畫作點綴。先叫左前菜肉末土豆絲，熱辣辣嘅土豆絲唔會過淋，有肉碎一齊炒非常夠味，餸飯一流。飯麵方面叫左四川涼麵，係以拌麵形式混秘製醬汁，叫左少辣，食落辣辣地同時亦帶點醋酸味。之後店員推介重慶口水雞，唔算十分大碟，不過賣相唔錯，件件雞都夠嫩滑，而辣味夠香唔太辣。仲有叫左家鄉手作餃子，上菜時見到湯嘅色仲驚會好辣，但好彩香味多於辣味，餃子食落味道唔錯。最後甜品幾有驚喜，見到網上評論都幾多人叫桂花冰粉。自己本身都好桂花糕，呢碗冰粉食落口感嘅碎左嘅桂花糕，雪到十分冰凍，相當清甜又解暑，值得推介。