影片
更多
2024-06-16
150 瀏覽
呢間餐廳成日都見到有人會去食，今日終於扚起心肝試吓，想試吓佢最出名嘅班蘭糕，聽人講係需要預約嘅，但係我哋就冇咁神心啦，不過今日坐低之後都第一時間睇吓落單嘅時候有冇，未諗到食咩主菜就已經叫咗一份班蘭糕($15)! 都真係幾有驚喜，班蘭糕有三層，好似一個碗仔咁大面積，食落去唔似大菜糕嘅質地，反而似一啲煙韌嘅麻糬，斑斕味好香，而且細心食落去每一層都有各自嘅味道，加埋一齊都真係幾滿足，呢個價錢食到咁嘅質素都算係抵食。烤豬肉撈檬($65)加扎肉($10)走花生: 用手機落單，其中一個好處都可以真係根據自己嘅喜好而叫，可以揀走花生走蔥走芫荽等等，今次我哋就加咗扎肉。泡豬肉份量好多，而且整得好入味，再加上自製嘅醬汁，份量都剛好唔會太過鹹或者過酸，而且所有配料嘅份量都好慷慨，應該一個人食完都夠飽。雞絲湯河($65)加丸($10)少粉: 雞絲份量不得了，已經嗌咗少份，但係都食唔哂，河粉好滑，而且湯好甜，所以令到成件事好滿足！越南香茅雞翼5pcs($35): 呢一個價錢有五件，真係好實惠，而且佢嘅味道真係有淡淡的香茅味，仲要係新鮮整出嚟嘅，仲有保留左佢嘅肉汁，好味。牛油果沙冰($35): 好厚實，啖啖都係
烤豬肉撈檬($65)加扎肉($10)走花生: 用手機落單，其中一個好處都可以真係根據自己嘅喜好而叫，可以揀走花生走蔥走芫荽等等，今次我哋就加咗扎肉。泡豬肉份量好多，而且整得好入味，再加上自製嘅醬汁，份量都剛好唔會太過鹹或者過酸，而且所有配料嘅份量都好慷慨，應該一個人食完都夠飽。
雞絲湯河($65)加丸($10)少粉: 雞絲份量不得了，已經嗌咗少份，但係都食唔哂，河粉好滑，而且湯好甜，所以令到成件事好滿足！
越南香茅雞翼5pcs($35): 呢一個價錢有五件，真係好實惠，而且佢嘅味道真係有淡淡的香茅味，仲要係新鮮整出嚟嘅，仲有保留左佢嘅肉汁，好味。
牛油果沙冰($35): 好厚實，啖啖都係牛油果嘅味道。
滴滴咖啡($35): 會連埋滴漏咖啡嘅工具上菜嘅，如果凍嘅就會比一杯冰。好香濃嘅咖啡味，自己唔係太好咖啡，但係聞到好香嘅咖啡味都會想飲啖！
總結：其實呢一間嘢都唔係第一日會有人介紹，自己上過嚟之後就真係覺得價錢好抵而且份量好慷慨，抵食之餘又好食。正！
張貼
