金鳳大餐廳 (山林道)

營業中

休息中

同阿女去尖沙咀睇燈飾，提起好耐都冇鋸扒，諗起同事食過金鳳大餐廳 嘅扒餐，讚口不絕話好味又抵食，今晚一於同阿女去試吓！餐廳地方整潔，座位舒適。所有扒餐都配牛油餐包、餐湯及餐飲。牛油餐包，餐包暖暖的，塗上牛油，口感又香又軟熟。餐湯有忌廉湯或羅宋湯，忌廉湯都好大碗，香濃幼滑。 香燒羊扒餐：羊扒五成熟，肉質鮮嫩，肉味濃而不羶，加上以黑椒調製而成的惹味黑椒汁，香味濃郁，十分惹味！鴛鴦扒餐(豬扒加雞扒)：份量十足，豬扒和雞扒超大塊又厚肉，肉嫩入味又多汁，配黑椒汁好惹味。扒餐加16蚊可加配意粉，雖然是加配，但份量亦不少，炒得都好香口。餐茶凍咖啡、凍檸茶，夠濃夠味。