大圍小食

營業中

休息中

前幾日同朋友去大圍食tea, 之後就買咗啲小食。呢間大圍小食已經開咗好耐，好多街坊幫襯。我地就叫咗煎釀三寶、臭豆腐、大魚蛋、燒賣、碗仔翅同串燒。當中最值得推介就係串燒。佢地嘅串燒都幾多款，我地就試咗豬頸肉、雞肉同燒原隻魷魚。🦑 仲可以自己揀味，有沙嗲、孜然、蜜糖等等。豬頸肉燒得啱啱好，好厚肉，肉質爽口一啲都唔韌。😍另外煎釀三寶同臭豆腐都值得一試。煎釀三寶試咗紅腸、茄子、冬菇、青椒、豆腐同西蘭花，魚肉份量好多，好香口。臭豆腐即叫即炸，熱辣辣最好食。加埋少辣嘅豆瓣醬同甜醬更加惹味。😋 燒賣魚蛋都係正常發揮，下次會再試佢地嘅串燒。