影片
港鐵大圍站 D 出口, 步行約1分鐘
繼續閱讀
開飯介紹
提供多款大眾化的港式小食，如煎釀三寶、雞蛋仔等，價錢親民，是學生及街坊的速食之選。
繼續閱讀
以上資料只供參考, 請與餐廳確認詳情
食評 (449)
今日同朋友約咗喺大圍做facial做之前想掃街搵啲小食墊肚講起大圍小食 大家不約而同講咗想食「大圍小食」XD因為呢間老店真係開咗好耐同佢係由細食到大 覺得性價比高- - - - - - - - - - - - - - - - - - - - - - - - 1. 煎釀三寶(豆腐、紅腸、尖椒、餃子)共有10款炸物 樣樣都係炸得好靚望落就係新鮮食材炸出嚟嘅 唔會縮晒全部都好有光澤又熱辣辣咁攤晒喺度同埋肉餡都好大嚿 粒粒都脹卜卜最驚喜係尖椒 食得好辣嘅人要嚟挑戰2. 港式炸大腸拎上手就聞到濃烈炸大腸嘅香氣見佢炸到金黃酥脆 再喺上面加啲芥末視覺上就更加吸引 忍唔住想食啖因為炸到酥脆 咬落有聲 做到外脆內軟少少鹹香 少少芥末帶嚟嘅開胃同刺激3. 魚蛋/燒賣(10粒)魚蛋燒賣每次掃街必食 $12/10粒算抵鍾意佢係陳皮魚蛋 結實又有少少甘香燒賣嚟自大大蒸籠 大粒、有煙韌感配埋佢嘅秘製辣汁 雖然睇落唔係好紅但少少都已經好辣 辣得過癮～4. 炸雞脾炸雞脾嘅賣相真係會令人流口水上手已經感覺到佢好熱辣辣打開見到金黃酥脆外皮即刻想食咬落嗰陣外皮超級香脆 又係有聲同入面嘅肉質有個對比 好啱送酒5. 串燒豬頸肉/雞肉叫咗串燒係會即燒 揀咗雞肉同豬頸肉呢度有得自選調味粉同汁嘅味道好正揀咗落孜然粉 另外仲有9種可揀同埋喺各一串掃上燒汁同蜜糖汁雞肉豬肉燒到好有焦香 內裡肉質幾嫩6. 韭菜豬紅腸呢碗真係抵食 $35超級足料打開個蓋即刻香氣撲鼻個湯幾清 混合韭菜/豬紅/豬腸啲料多到感覺食極仲有記得最後食到就快飽死XD
繼續閱讀
🔥講到香港小食唔知你哋覺得邊樣最具代表性？呢一間，喺大圍屹立咗超過20年嘅小食店，噏得出嘅小食幾乎都有💫雖然佢係一間老店，不過佢嘅運作模式一啲都唔老，定期就會推出一啲新產品，例如呢排推出咗嘅💐煎釀三寶西蘭花💐就非常受到一班街坊嘅歡迎🥰要數佢其中一樣最好食嘅孖寶，肯定係呢度嘅燒賣同埋陳皮魚蛋！配上香濃秘製嘅辣汁，而且價錢竟然只係💲12/10粒！🐔大大隻嘅生炸雞髀更加唔少得，食完一隻今晚都唔使食飯！都只係25蚊🧆煎釀三寶當然係小食裏面嘅主角之一啦，一大盒我都只係買咗30蚊，每一件都非常大件，佢度嘅釀尖椒係辣辣地㗎！佢呢度煎釀三寶有個特色就係有啲街外出面唔會有嘅嘢就例如魚肉西蘭花同埋冬菇咁樣！🫔椒鹽燒賣，到底有咩吸引？咪就係香脆囉！加少少辣醬，簡直係perfect，幾多錢？12蚊！🦑呢幾年大熱嘅芥辣墨魚呢度都有，仲係新鮮即整，唔使驚食到肚屙😋🐷炸大腸，應該都係香港名物之一。呢度嘅炸大腸唔好睇佢十幾蚊一串，佢係大腸包小腸！絕對值呢個價錢，出去食碗牛腸河都三四十蚊得嗰幾舊仔，呢度舊舊都係大大件🐔串燒，呢樣就真係唔係週圍嘅小食店都會有。呢度嘅串燒雖然買16蚊一串，但係份量大！係喺你喺街邊食到十蚊一串嘅三倍😋香港歷史悠久嘅小食店裏面大圍呢一間肯定係上曬榜嘅！近年佢哋仲返新過舖面非常簡潔乾淨！仲有車仔麵、紫菜魚皮餃、臭豆腐等等嘅食物等住去發掘唔知幾時可以做埋珍珠奶茶呢？
繼續閱讀
大圍人氣小食店，次次經過都大排長龍，有多款特色香港小食供應，另有主食提供。煎釀三寶有成10幾款，新鮮熱辣辣，好有光澤，茄子、尖椒、紅腸、西蘭花、青椒、大大件，啖啖肉，性價比高，難怪咁多人食。臭豆腐$20一件，未到好臭，外皮炸至金黃酥脆，內裏帶咬口，點埋甜醬食都幾好味。魚蛋/燒賣$15有10粒，食得辣嘅一定要加辣醬，魚蛋細細粒，有魚味，感覺真材實料，燒烤QQ哋，唔粉，食完都幾飽肚。滷水/炸雞髀$35/隻，從來未見過有咁大隻嘅炸雞髀，超級脆，而且外皮都算薄身，肉質嫩滑多汁、健康啲嘅可以要滷水，細隻少少但好入味。生菜魚肉細份都有廿幾條，軟硬度啱啱好，鮮甜美味。碗仔翅好足料，每一啖都係配料，濃稠度適中，飲完暖笠笠。紫菜魚皮餃有驚喜，紫菜鹹鹹地，魚皮餃大粒，餡料飽滿。主食要咗油渣麵，油渣冇油益味，索晒啲湯汁，好肥好好味。車仔麵可以自己揀配料，最鍾意係芝士腸，細細條但竟然會爆餡，兩款嘅麵條軟硬度適中，滿意度十足，會回訪。
繼續閱讀
煎釀三寶有茄子、紅腸、炸魚蛋、豆腐、炸餃子、青椒等等選擇,每種都各有特色,而且新鮮大件又美味,點埋甜豉油食冇得輸。燒賣:餡料飽滿,皮薄餡多,魚肉燒賣好有香港風味,口感出色。咖哩魚蛋Q彈可口,加埋秘製辣醬冇得頂,食吾停口。魷魚:好爽脆,十分鮮嫩,同樣配秘製辣醬,食起黎鮮味十足。牛柏葉:新鮮嫩滑,吾過老及硬,索晒d汁食好爽。生菜魚肉:湯汁濃郁鮮美,魚肉又特多,生菜又fresh, 加埋蔴油,胡椒粉及醋食滿足口感。港式滷水雞脾超入味, 雞肉鮮嫩多汁又大隻雞脾,性價比高。油渣麵炸得酥脆可口而且好有口感 ,加上菜脯同炸蒜食 , 成碗麵一流 。 超大盒糯米飯, 加上花生再特別配埋臘腸潤腸冬天食, 特別窩心暖胃。墨魚丸,豬頸肉,和牛及斯華力腸串燒好大串, 最緊要燒得外脆內軟甘香可口, 配埋特製辛辣粉食起贊。
繼續閱讀
第一次和朋友一起來試，預訂了琵琶鵝，干邑燴花菇鹿筋鵝掌，花菇菜膽魚唇燉豬展湯🥰琵琶鵝果然好出色😱d 皮好似乳豬一樣，肉ok 嫩😋鹿筋鵝掌煲好香好入味超腍😂個湯也好入味…. 另外也叫左薑蔥𧐢煲，好香😍😍😍今次义燒冇來貨，希望下次可以食到😍下次想試八寶鴨.. 值得來試的米芝蓮.. 最好有6人或以上，比較容易吃多d 款菜式☺️
繼續閱讀