影片
更多
2024-01-16
485 瀏覽
網店壽喜燒·肉屋喺尖沙咀開咗門店啦！以前網店賣壽喜燒套餐已經有好多好評，門店好旺好多人，去餐廳食唔使搞到屋企好大陣油煙味，如果想去就最好book定啦！餐廳有五級嘅A5和牛，有三個套餐有平有貴，睇到午餐仲做到百幾二百蚊非常抵食。餐廳有三個套餐，我同朋友叫咗最平同最貴嗰個，睇下分別大唔大先！特選·薩摩牛壽喜燒 $398極上·薩摩牛壽喜燒套餐 $698重點講下壽喜燒先！個店員會幫手煮第一輪，佢地會講解點樣煮剩低嗰啲，但我有靚女朋友幫我煮埋，yeah！！！平啲嗰個特選牛肉是赤身A5薩摩牛切片180g，脂肪分布較少但肉味會較濃郁，爽口不膩。壽喜燒嘅味好香甜，仲可以自己加水或汁。貴啲嘅霜降A5薩摩牛油脂重好多，柔嫩入口即溶。我地仲可以點蘭王蛋同無菌蛋，質感更順滑。啲飯係日本珍珠米，好大粒好好咬。野菜盛合內有 大蔥、日本冬菇、芋絲、娃娃菜、獅子狗同芫荽。啲菜會吸曬壽喜燒汁嘅味，好鮮甜。最後仲有柚子雪芭，幾解膩。前菜共有三款，分別係帆立貝龍蝦沙律、菇菌豆腐同和牛卷。帆立貝龍蝦沙律好鮮甜爽口，仲有少少wasabi；菇菌豆腐嘅豆腐好滑；和牛卷清爽味蕾，好有口感。題外話，啲碟好精緻好去咗有日本嘅feel。夕
餐廳有五級嘅A5和牛，有三個套餐有平有貴，睇到午餐仲做到百幾二百蚊非常抵食。餐廳有三個套餐，我同朋友叫咗最平同最貴嗰個，睇下分別大唔大先！
特選·薩摩牛壽喜燒 $398
極上·薩摩牛壽喜燒套餐 $698
重點講下壽喜燒先！個店員會幫手煮第一輪，佢地會講解點樣煮剩低嗰啲，但我有靚女朋友幫我煮埋，yeah！！！平啲嗰個特選牛肉是赤身A5薩摩牛切片180g，脂肪分布較少但肉味會較濃郁，爽口不膩。壽喜燒嘅味好香甜，仲可以自己加水或汁。貴啲嘅霜降A5薩摩牛油脂重好多，柔嫩入口即溶。我地仲可以點蘭王蛋同無菌蛋，質感更順滑。啲飯係日本珍珠米，好大粒好好咬。
野菜盛合內有 大蔥、日本冬菇、芋絲、娃娃菜、獅子狗同芫荽。啲菜會吸曬壽喜燒汁嘅味，好鮮甜。最後仲有柚子雪芭，幾解膩。前菜共有三款，分別係帆立貝龍蝦沙律、菇菌豆腐同和牛卷。帆立貝龍蝦沙律好鮮甜爽口，仲有少少wasabi；菇菌豆腐嘅豆腐好滑；和牛卷清爽味蕾，好有口感。題外話，啲碟好精緻好去咗有日本嘅feel。
夕燒 $38
飲品都好抵；芒果、蜜桃、西柚和四季春，個茶都香，酸甜開胃。
張貼
