Seoul Noodles (鴻禧大廈)

營業中

休息中

成日行過旺角都見到好多人喺出邊排隊，今次夜晚8點幾見到好似唔係好多人排，於是就排黎試下，估唔到係咁驚喜。佢可以散叫亦都可以有套餐叫，今次嗌咗兩個一人套餐嚟試吓，因為二人餐好似真係好多野食🤭。💜大邱辣牛肉蔬菜湯飯+豬肉餃子豬肉餃子大大舊，入面充滿着豬肉同肉汁，外皮煙靭，大細比想像中大。個湯飯一上枱，傳出香香嘅味，已經令人流哂口水，份量亦好充足，唔會話太辣，食落好開胃，牛肉味濃郁。💜蜆湯麵+豬肉餃子個蜆湯麵有大量既蜆，食極都有，而且啲蜆好鮮甜同飽滿，鍾意食蜆嘅一定唔可以錯過。如果嗌麵餐嘅話會跟一個薏米飯，睇返枱面嘅介紹先知原來食麵之前食，有助降低血糖。個飯咬落好有口感，而且包含泡菜、紫菜同麻油。個麵係彈牙既刀削麵，配上鮮甜嘅湯底。💜迷你紫菜包飯同一般韓國餐廳食嘅紫菜包飯差唔多，每一件嘅大細適中，可以一啖食晒。上面亦灑有芝麻，入面包有基本嘅蟹柳同酸瓜。