影片
更多
2025-02-02
48 瀏覽
想同朋友喺觀塘收工後chill吓，飲兩杯，原來有個好地方。一杯鐵板燒居酒屋一行入去，餐廳嘅環境同裝修好有日本風格。而且仲有啲鐵板燒嘅Bar枱座位，明顯呢度係同時可以食日式居酒屋同鐵板燒嘅美食。食呢啲地方，其實最怕係好難有預算。呢度好嘅係有二人餐，$880兩位，而且唔使左加右加，睇嚟好抵食。另外仲可以百零蚊叫多支清酒。善之水特別純米 300ml $180細細支，好啱兩個人淺酌。飲落去米味都算濃，而且有啲甘味，簡單得來飲得好舒服。二人前料理 (特上) $880先付就係沙律刺身三品三種刺身，分別係吞拿魚腹(中)、帶子、旬魚。全部都好新鮮好食，特別鍾意個中拖羅，魚油魚香味都好突出。鐵板鮑魚果然係鐵板燒嘅出品，鐵板鮑魚大粒新鮮爽口，最重要係有鐵板燒嘅香味。鐵板海老比鮑魚更出色嘅作品。海老係剝晒殼，拆晒腸，食落唔單止鮮甜爽彈，最重要係有牛油鐵板燒出嚟嘅香味。鐵板澳洲M4和牛封門柳估唔到呢度嘅鐵板燒和牛會有呢個水準。和牛外面煎香脆口，封門柳嘅質感同牛味兼備，就算我哋掛住傾偈擺凍咗都仍然好食。迷你海膽丼兩碗原本以為只係海膽，原來佢仲有吞拿魚蓉墊底。呢個組合嘅丼，我只會嫌佢份量唔夠😆。鯛魚湯讚岐烏冬兩碗
一杯鐵板燒居酒屋
一行入去，餐廳嘅環境同裝修好有日本風格。而且仲有啲鐵板燒嘅Bar枱座位，明顯呢度係同時可以食日式居酒屋同鐵板燒嘅美食。食呢啲地方，其實最怕係好難有預算。呢度好嘅係有二人餐，$880兩位，而且唔使左加右加，睇嚟好抵食。另外仲可以百零蚊叫多支清酒。
善之水特別純米 300ml $180
細細支，好啱兩個人淺酌。飲落去米味都算濃，而且有啲甘味，簡單得來飲得好舒服。
二人前料理 (特上) $880
先付
就係沙律
刺身三品
三種刺身，分別係吞拿魚腹(中)、帶子、旬魚。全部都好新鮮好食，特別鍾意個中拖羅，魚油魚香味都好突出。
鐵板鮑魚
果然係鐵板燒嘅出品，鐵板鮑魚大粒新鮮爽口，最重要係有鐵板燒嘅香味。
鐵板海老
比鮑魚更出色嘅作品。海老係剝晒殼，拆晒腸，食落唔單止鮮甜爽彈，最重要係有牛油鐵板燒出嚟嘅香味。
鐵板澳洲M4和牛封門柳
估唔到呢度嘅鐵板燒和牛會有呢個水準。和牛外面煎香脆口，封門柳嘅質感同牛味兼備，就算我哋掛住傾偈擺凍咗都仍然好食。
迷你海膽丼兩碗
原本以為只係海膽，原來佢仲有吞拿魚蓉墊底。呢個組合嘅丼，我只會嫌佢份量唔夠😆。
鯛魚湯讚岐烏冬兩碗
鯛魚湯嘅魚味非常豐富，但我認為呢道菜嘅精髓喺個烏冬度，因為佢係用咗好高級嘅讚岐烏冬。特別在佢嘅讚岐烏冬係好幼身，好適合呢個湯底。
甘味
即係有芒果味嘅牛奶果凍，算係一個唔錯嘅結尾。
呢度有住好濃厚嘅日式氣氛，環境好之餘食嘅嘢質素亦高，佢仲有set可以令人容易控制Budget，加上有質素唔錯，價錢唔貴嘅清酒可以選擇，同朋友嚟真係可以好好enjoy一晚。
張貼
