尚廚

營業中

休息中

今次透過kkday book午市自助餐，時段為14:15-16:15可以食到兩個鐘，嚟到九龍東皇冠假日酒店嘅尚廚食buffet。而午餐嘢食其中以特色凍海鮮盤為賣點，包括即開生蠔每人每次可拎兩隻、松葉蟹腳、青口、黃金螺、白蜆、熟蝦.... 除此之外，仲有四款刺身、六款壽司、沙律、八款頭盤、中西餐湯、黑椒燒牛肋條、意式焗蟹肉蘑菇蛋餅、燒紐西蘭草飼肉眼牛扒、燒羊脾、中東旋轉烤肉檔、即煮海鮮粥檔、即煮粉麵檔、鐵板燒。十多款甜品、七款口味的Haagen-Dazs雪糕及朱古力噴泉，以及任飲即磨咖啡、紅茶、果茶、檸檬水。比起其他自助餐都算抵食，雖然熟食選擇唔算太多，但都對得住呢個價錢。