漁正居酒屋

營業中

休息中

今日係佐敦食晚餐，朋友話以任何渠道同餐廳訂左位，就可以有7折優惠，抵食勁多！佐敦呢間居酒屋其實性價比都真係幾高，服務質素好之餘，食物嘅味道都唔錯，環境亦都相當乾淨企理。之後先發覺原來呢度任何飲品都係買一送一，如果早啲知，一定會叫酒飲！食物都好好食，首先必點一定係個sashimi拼盤，種類超多，又要好新鮮，一上枱我哋已經wow一聲！打卡一流。由於朋友冇食過，所以就叫咗螢光魷魚俾佢試，鹹鹹地，幾得意。味噌燒蠔超大隻，燒得剛剛好。鹽燒吞拿魚下顎份量超級大，加埋個醋汁一齊食就冇咁油膩。串燒方面都有幾樣，我覺得值得食嘅：汁燒帆立貝、燒羊肉串、豬肉腸同雞肝串。個人特別欣賞雞肝串，唔腥，反而好入味，口感好正！燒牛小排都好高質，每一片嘅厚度剛剛好，配埋甜甜地嘅醬汁一齊食，真係好惹味。好戲在後頭，濃湯蝦烏冬個湯底真係超級無敵濃郁，好香蝦味，我哋兩個全碗都飲晒！