影片
更多
2024-02-27
26 瀏覽
好少會黎奧運呢頭食野，不過最近有朋友介紹呢頭有間大件夾抵食既西餐，所以就等放假帶埋小朋友過黎食~ 我地選擇平日晚上過黎，貪佢平日食客少d，可以坐耐少少XD餐廳採用綠色做主色，加上枱與枱間既位置都幾鬆動，一d都唔會焗束感。 因為我地有三個人，所食物方面我地無叫二人餐而選擇散叫，一共叫咗兩個主菜，一個side dish同兩杯野飲。不過真係有d後悔，因為d份量足，最後我地食到好飽XD 先講下主菜先~ 我地叫兩個主菜，分別係香煎鱸魚配檸檬忌廉醬及薯蓉同美國肉眼扒8安士燒汁伴雜菜燒薯角，另外再加咗個配菜蒜蓉炒磨菇。 香煎鱸魚配檸檬忌廉醬及薯蓉係叫俾呀女食既，結果上枱發現有兩塊大過手掌既鱸魚，而且薯蓉都好多，真係幾足料! 鍾意淡口味既朋友一定會鍾意呢個菜，因為佢無過多既過多既調味，可以食到鱸魚既鮮味~加上鱸魚片煎得好脆，連埋帶少少酸既檸檬忌廉醬一d都唔漏~呀女都食得好滋味~ 肉眼扒都煎得相當唔錯，唔會過生或過熟，加上本身塊肉眼都唔差，所以口感好好。薯角並非一般炸薯角，而係呢度自制既，好味又唔油膩~ 蒜蓉炒磨菇就啱重口味既朋友仔啦，因為佢真係勁蒜! 本來以為係普通白磨菇，點知原來有不同種類既磨菇，正
我地選擇平日晚上過黎，貪佢平日食客少d，可以坐耐少少XD餐廳採用綠色做主色，加上枱與枱間既位置都幾鬆動，一d都唔會焗束感。
因為我地有三個人，所食物方面我地無叫二人餐而選擇散叫，一共叫咗兩個主菜，一個side dish同兩杯野飲。不過真係有d後悔，因為d份量足，最後我地食到好飽XD
先講下主菜先~ 我地叫兩個主菜，分別係香煎鱸魚配檸檬忌廉醬及薯蓉同美國肉眼扒8安士燒汁伴雜菜燒薯角，另外再加咗個配菜蒜蓉炒磨菇。
香煎鱸魚配檸檬忌廉醬及薯蓉係叫俾呀女食既，結果上枱發現有兩塊大過手掌既鱸魚，而且薯蓉都好多，真係幾足料! 鍾意淡口味既朋友一定會鍾意呢個菜，因為佢無過多既過多既調味，可以食到鱸魚既鮮味~加上鱸魚片煎得好脆，連埋帶少少酸既檸檬忌廉醬一d都唔漏~呀女都食得好滋味~
肉眼扒都煎得相當唔錯，唔會過生或過熟，加上本身塊肉眼都唔差，所以口感好好。薯角並非一般炸薯角，而係呢度自制既，好味又唔油膩~
蒜蓉炒磨菇就啱重口味既朋友仔啦，因為佢真係勁蒜! 本來以為係普通白磨菇，點知原來有不同種類既磨菇，正，唯一會希望佢少d油，咁就更加perfect啦~
我地叫咗兩杯smoothie解渴，因為呢度係可以即場睇住佢整smoothie嫁!我地叫咗Coffee smoothie同Tropical smoothie，飲完一致認為Tropical smoothie略勝一籌，Tropical smoothie飲落有好新鮮既水果味，加上面頭有塊香蕉，感覺好fresh!反而Coffee smoothie有d唔慣，本來expect係好似飲咖啡咁，但係加上香蕉感覺唔太慣XD
最後我地食到勁飽走，連想食甜品都唔得!今次埋單大約$700但都好值得，因為坐得好舒服，而且份量一定夠三個女仔食XD下次真係要改食二人餐，因為真係夠食同平d，而且仲有甜品~
張貼
