八方台式麵屋 (愉景新城)

營業中

休息中

估唔到誠品書店入面都有台灣菜小店，我同朋友行完山想食少許輕食，呢間小店就啱晒。佢今次點咗大腸麵線，煎餃子，師大香酥豬扒，同埋雜錦小食 （一次過試晒炸花枝丸、台灣香腸、同埋炸雞粒），飲品就要咗珍珠豆乳。大腸麵線嘅面煮得有少少過淋，不過不失；煎餃子大大件，入面餡料都好足，抵食之選；師大香酥豬扒非常出色，真係叫完即刻炸，表皮非常酥脆，豬扒保留肉汁，而且豬扒超大件；小食入面嘅炸花枝丸亦係好推介，咬落去彈牙，台灣香腸同埋炸雞粒都係熱辣辣，新鮮製作。