八方台式麵屋 (愉景新城)

營業中

休息中

尋日行過荃灣愉景新城，眼光被櫥窗內熱氣騰騰的台灣小吃吸引。啱啱好肚子餓，就走咗入去八方台式麵屋嚟一場口味之旅。首波點咗懷舊飄香嘅滷肉飯，飯粒粒分明，滷肉嘅肥瘦夾雜得剛剛好，咬落去香濃得滯，簡直停唔到口🤤！隔籬桌嘅影響，我又忍不住叫咗份地瓜丸，外皮金黃鬆脆，咬落去地瓜的香甜與芋頭的綿密結合，滋味正！連個蕃茄水餃麵都做得有滋有味，湯底酸酸地，養生又開胃。水餃內餡紮實，豬肉同椰菜嘅組合，彈牙鮮美。再加上那個软Q的麵條，哇！太對口味喇🍜！對嗰啲茶飲都忍唔住讚好幾句，阿薩姆紅茶同茉香綠茶飲落去香濃回甘，冇得輸。個人特別鍾情茉香綠茶嗰陣清新香氣，飲一啖就舒服晒😌！下次有機會，一定要搵時間嚟試多啲佢哋嘅特色台灣麵線同手工鍋貼，期待中呀！👌🤞

朋友介紹我去咗間港味十足嘅台灣小食店，話說第一啖咬落去嘅鹽酥雞，外皮炸到金黃鬆脆，入面嘅雞肉嫩滑多汁，真係啖啖肉感，簡直係咁啱👌。轉個彎，滷肉飯絕對係標準台式地道味道，啲豬肉滷得入味過三關，而且肥瘦適中，冇一絲多餘嘅肥膩，真係風味獨特！跟住，試咗下佢哋嘅經典番茄花之丸麵，湯底啱啱好嘅酸甜，花之丸卻又彈牙得嚟唔爛，每一啖都話你知咩叫細緻滋味😋。唔忘記個地瓜丸子，炸得外脆內軟，就算係平常唔食甜嘢嘅我，都覺得啱曬口味，一啲唔膩口。最後，當然少唔得嚟杯黑糖珍珠鮮奶，啲珍珠Q彈得黎口感過癮，而黑糖嘅香甜恰到好處，幫個餐畫上完美句號。真係食完之後暖笠笠，總之今次食足咗味，飽得心滿意足🤤💯！下次仲要啦！

今次同朋友嚟到一間港人咁愛嘅台式餐廳大啖，真係一個字—正! 😋 首先，個滷肉飯真係夠哂味，豬肉嘅鹹香同飯粒嘅軟糯完美融合，簡直係絕配！跟住啲水餃，唔單止個皮Q彈，啲餡料又鮮嫩，肉汁一咬就四射，舌頭都話晒多謝。飲品方面，一杯冬瓜茶消消膩，既清新又解渴。🥤話時話，小食部分絕對係驚喜連連。啲鍋貼金黃酥脆，一啲都唔油膩，佢啲香氣令人一食難忘，搶鏡到不得了。另外，小編我哋個人非常推薦嗰個地瓜球，外皮滋滋作響，入口即溶，嗰種甜美味道令人回味無窮。🍠整體來講，餐廳嘅食物質素、口感、同埋份量都係一流，服務態度都幾好，絕對係滿分推介！下次一定會再黎添，想試下牛肉麵同其它台式小吃，令呢個美食之旅更加圓滿！👍🏻

以前來到meatless Saturday個陣好多時都會買八方台式麵屋嘅紅燒湯麵套餐$58，個麵會有半隻滷蛋同兩條菜，湯底好濃郁，好多酸菜。套裝會配埋小食一款同紅茶/綠茶，我就揀左皮蛋豆腐，個蠔油醬汁好適宜撈麵食。紅茶唔記得減甜度，成杯好似糖水咁，真心飲唔到。

🚩荃灣愉景新城🚩🇹🇼八方台式麵屋是主打台灣美食，有面線🍲、台灣面、🥟鍋貼水餃等，仲有套餐包埋台式飲品🧋抵食。如果突然想食台灣野，都不妨可以試下呢間，佢有好多分店，但今日去左荃灣愉景新城分店，係地下誠品入面的。🥟水餃湯麵套餐 $59水餃有兩款(原味/ 韭菜味), 仲可以加埋小食, 今次我簡左夜市花枝丸(5粒)🧋飲品：茉莉綠茶🕐如果想預早order, 去到即刻有得拎，仲可以用openrice外賣自取，可能仲有D優惠添，今次我係叫左外賣😀😀😀📍 八方台式麵屋🗺️ 荃灣青山公路荃灣段398號愉景新城1樓1010號舖

行完誠品，諗住搵啲野食下，就見到入面有間細細間既台灣麵店，有套餐揀，都幾抵食。1⃣️台灣牛肉麵（$70） 紅燒湯底帶微辣，幾惹味。牛肉份量好多，有少少筋位，幾入味～麵係偏粗既，食落都幾有咬口。  2⃣️台灣肉燥麵配師大香酥豬扒（$68） 肉燥麵既麵就係幼身一啲既。肉燥半肥瘦，食落好香🤤另外豬扒炸得香口，有椒鹽香～  3⃣️台式小食拼盤（$70） 有台灣香腸、鹽酥雞同埋花枝丸。特別鍾意個花枝丸，真係好彈牙！  4⃣️台灣茉香綠茶（跟餐）  5⃣️玫瑰鐵觀音（跟餐+$13） 飲到玫瑰既清香～唔錯  

估唔到誠品書店入面都有台灣菜小店，我同朋友行完山想食少許輕食，呢間小店就啱晒。佢今次點咗大腸麵線，煎餃子，師大香酥豬扒，同埋雜錦小食 （一次過試晒炸花枝丸、台灣香腸、同埋炸雞粒），飲品就要咗珍珠豆乳。大腸麵線嘅面煮得有少少過淋，不過不失；煎餃子大大件，入面餡料都好足，抵食之選；師大香酥豬扒非常出色，真係叫完即刻炸，表皮非常酥脆，豬扒保留肉汁，而且豬扒超大件；小食入面嘅炸花枝丸亦係好推介，咬落去彈牙，台灣香腸同埋炸雞粒都係熱辣辣，新鮮製作。

難得出去荃灣行街知道愉景新城入面有誠品決定行下然後見到誠品入面有呢間台灣野🤤佢哋有唔同套餐而且價錢都係$5x 6x😽叫左佢地嘅基隆廟口麵線配10隻鍋貼🤤$52 抵食得嚟又飽肚仲要送綠茶或紅茶🤩

小芋圓奶茶（熱）$25🍠半糖芋圓好好食!!!!!感覺到入面嘅芋頭蓉，好有香味，又好好咬😍😍 #鍾意芋圓一定都係好人不過奶茶就偏甜，就算少甜咗對我來講都係好甜，似以前細個台式奶茶嘅味道，茶底係紅茶☕️唔似平時茶嘅香濃，但會有一陣香料味，鍾意可能會覺得特別，唔鍾意就會…🫠🫠有少少疑惑，奶味正常不過以25蚊嚟講，冇得話咩，凍飲同樣價錢仲要好大杯😱😱性價比高，下次再試下先，呢間嘅珍珠奶茶全部都偏平（點解女仔會m到😢近排就快熱死都仲要飲熱飲）

水餃皮好煙靭，所以叫咗10隻，再加多一個肉燥飯。一個唔鍾意食飯嘅小朋友都好鍾意食呢個飯，證明係好好食，每一啖都有滿足嘅感覺。好準時就可以攞到外賣，仲要熱辣辣，正！

今晚同爸爸去荃灣行下街，行下行下去到誠品入面見到有檔賣台式既食店，見又幾得意，又有台式小食，所以就幫襯下。睇睇餐牌都算幾多種類，都有好多唔同既台式食物，有麵食、飯、小食、特色既鍋貼、大腸、鹵肉飯、牛肉麵都應有盡有。除左有好多地道台式美食外，仲有好多台式飲品。買野食可以單點或點套餐，套餐都幾抵食，有一個主食再可加配一個指定小食。而野飲就可加錢點選。都品錯呀。先講一講叫左咩食先。呢個鍋貼味道唔錯，皮好薄脆脆的，幾吸引，加埋醋食，又香又惹味，唔錯呀，啖啖都好滿足。另一份小食是鹵大腸，大腸一小片一小片的，味道唔錯，口感都唔錯，幾好咬口，十分滿意。食下呢d小食過下口癮幾吸引。另外主食點了一份半筋半肉牛肉麵，十分香濃，湯底仲帶點微辣，惹味。牛肉份量都唔少，啖啖肉好厚切，肉厚腍身，唔錯。而牛筋都好惹味，重膠質，好滋補的感覺，彈牙的啫喱般，好吸引好惹味。呢碗麵真係食肉獸至愛，又香濃又多肉。麵條仲可以掛滿了湯汁，惹味。啖啖都大滿足。另一碗點了台式榨菜肉絲麵，榨菜肉絲都超多，呢碗麵看起來好似好清，但其實都相當滋味，清中帶鮮的，榨菜咸咸地，帶到個鮮味出來，肉絲切成一絲絲，榨菜既口感同肉絲既口感又爽又腍，好好

今日去左誠品書店睇書，經過發現有一間台式餐廳，餐廳又多種台式美食。點左懷舊飄香滷肉飯配師大香酥豬扒和慢滷豬手乾拌麵配皮蛋豆腐。粒粒紅豆豆乳，紅豆好綿綿豆乳香濃又唔會太甜。珍珠豆乳紅茶，珍珠煙煙韌韌又有咬口配上豆乳紅茶好好味道。豬手炆到好入味，豬手有咬口，拌麵撈上豬手汁，麵好香麵條又煙韌彈牙。豆腐皮蛋，豆腐嫩滑沾上醬汁更加美味可口，皮蛋又美味。懷舊飄香滷肉飯，滷肉好香，滷水蛋又夠味道，滷肉撈上飯一起食好好味。師大香酥豬扒，豬扒炸到好鬆軟，豬扒好嫩滑又好味道。

有次逛誠品發現裏面有間台式麵店，今次跟朋友來愉景新城便順路一試。店舖可能主要以自助外賣形式為主，所以座位相對較少，環境安靜，逛完書店都建議可在這裡吃碗麵歇息一會台灣半筋半腩牛肉麵套餐（$71）另轉番茄湯底（+$4）番茄湯底好濃厚，微辣惹味，牛筋和牛腩份量多非常足料，肉質軟淋入味有台灣的味道，另外套餐附送飲品，我選了比較清香的茉香綠茶台灣肉燥麵套餐（$56）跟餐送飲品和一款小食，朋友點了花枝丸肉燥份量尚算多，足以拌勻整碗麵，肉燥味道令人很開胃，加上香菇更豐富口感個人很喜歡滷蛋做到很入味香酥的炸花枝丸很有夜市的味道下次來想再試試店裡其他款式的麵

今日超大雨，經過誠品書店睇咗陣書，就決定喺誠品入面呢間八方台式麵買兩個外賣返屋企食。套餐有好多選擇，今次叫咗台式肉燥麵拼師大香酥豬扒，肉燥入口即溶，肥瘦均勻，唔會覺得好油膩。最驚喜係豬扒好大塊，有手掌咁大，炸得香脆，醃得好入味，一啲都唔乾身，咬落去好Juicy。另外一個餐我就叫咗花枝丸蕃茄麵，可以免費轉新竹米粉，同埋配煎餃子。我鍾意佢外賣會將啲湯同麵分開，返到屋企食啲麵都唔會俾啲湯浸林曬。蕃茄湯夠濃郁，酸酸甜甜好開胃，花枝丸好彈牙爽口，至於餃子個皮夠薄，咬落仲有肉汁！套餐仲有杯嘢飲，推介金青茶王，味道好清新，食完濃味嘢飲就啱啱好！總體來講呢間餐廳性價比好高！

今日心思思想食台灣嘢😝就簡左誠品入邊呢間嘅❤️八方台式麵家😗今日叫咗滷肉飯+大豬扒同埋無糖紅豆豆漿💃🏻一打開肉操飯嘅份量比以前少咗好多🥹🥹直覺已經話俾我聽諗定今日要叫下午茶食咩🫣講返個肉燥飯肌肉肥瘦適中唔會太鹹味道啱啱好👍🏻送飯食一流❤️滷蛋一般🤷🏻‍♀️跟住大豬扒🥰唔係好覺得有酥炸嘅感覺比較遲醬油煎咁🤣成災味道OK而且又大大塊🤣紅豆豆漿都正正常常紅豆唔會太硬🙆🏻‍♀整體來講都唔錯如果分量再大啲就good fit👍🏻