燒烤堂

營業中

休息中

早排同班friend去咗荃灣燒烤堂，環境夠晒日系feel，乾淨企理，坐得舒服，menu選擇超多串燒、海鮮、創意小食樣樣齊，價錢仲要親民。我地點左唔少燒物同小食，有幾樣特別推介！鹽燒A4宮崎和牛和牛夠厚身，牛脂香味濃，鹽味啱啱好，輕輕提升肉味滋味，必試！ 鹽燒三黃雞腿肉 三黃雞腿肉燒得好嫩，外層微焦，肉質嫩滑，鹽燒嘅調味啱啱好，帶出雞肉香味。免治雞肉棒（配日本蛋）雞肉棒外脆內嫩，啖啖肉，點埋生蛋黃一齊食，滑溜又香口，層次感十足。鹽燒prime牛小排牛小排油脂分布靚，燒完唔會太油，肉質嫩滑，牛味濃郁。 豚肉節瓜波板糖(附月見) 外型係波板糖咁圓形，豚肉同節瓜燒得香口，節瓜吸收肉汁後食落好juicy，加埋月見蛋之後更加creamy香滑，加埋豚肉嘅油脂香，太惹味。豚肉蘆筍卷蘆筍嫩嫩爽口，唔會燒到老晒，豚肉油香，燒完仲係好juicy，好佩服燒個位廚師火候控制得好好。佢呢到嘅串燒款式多到無法盡錄，但都要提埋佢嘅生啤買一送一，超抵飲，配埋串燒自然係perfect match，大滿足！