影片
更多
2018-01-19
299 瀏覽
最近係IG睇到有人推介依間餐廳，所以就決定黎食。小妹同男友兩個人叫咗一個$258既二人套餐，包兩個餐湯，一碟香草烤雞凱撒沙律，兩碟意粉同兩杯飲品。餐湯餐湯方面有特濃南瓜粟米忌廉湯同法式芝士洋蔥湯兩款可選，而小妹同男友都選擇咗前者。特濃南瓜粟米忌廉湯 (原價$28)個人認為依個湯粟米既味道多過南瓜既味道，每一啖都可以食到粟米容，味道同口感都十分好！香草烤雞凱撒沙律 (原價$33)個沙律一黎到都有啲嚇親，估唔到都幾大碟。個汁酸酸地幾開胃，但啲雞烤都勁乾，乾到咬極都咬唔開咁，冇番一定既牙力都食唔到。意粉意粉方面有六款可以選擇，而小妹同男友就分別選擇咗雙重辣味煙肉蒜香魔鬼意粉同蒜香白酒汁海蜆意粉。雙重辣味煙肉蒜香魔鬼意粉 (原價$58)意粉一黎到就已經聞到陣辣味，食落唔係好辣，但食唔出有蒜香味，只食到係勁咸同辣，所以就叫還可以啦~蒜香白酒汁海蜆意粉 (原價$88)依個一黎到就已經聞到好香既蒜香味，食落係好重蒜香味，相比個辣味意粉，依碟正勁多！但都係有同樣既問題，就係不論係意粉定海蜆都勁咸，不過真心正！餐飲餐飲方面小妹同男友就分別選擇咗蘋果汁(左)同冰水果茶(右)。蘋果汁冇咩特別，所以都唔評論
小妹同男友兩個人叫咗一個$258既二人套餐，包兩個餐湯，一碟香草烤雞凱撒沙律，兩碟意粉同兩杯飲品。
餐湯
餐湯方面有特濃南瓜粟米忌廉湯同法式芝士洋蔥湯兩款可選，而小妹同男友都選擇咗前者。
特濃南瓜粟米忌廉湯 (原價$28)
個人認為依個湯粟米既味道多過南瓜既味道，每一啖都可以食到粟米容，味道同口感都十分好！
香草烤雞凱撒沙律 (原價$33)
個沙律一黎到都有啲嚇親，估唔到都幾大碟。個汁酸酸地幾開胃，但啲雞烤都勁乾，乾到咬極都咬唔開咁，冇番一定既牙力都食唔到。意粉
意粉方面有六款可以選擇，而小妹同男友就分別選擇咗雙重辣味煙肉蒜香魔鬼意粉同蒜香白酒汁海蜆意粉。
雙重辣味煙肉蒜香魔鬼意粉 (原價$58)意粉一黎到就已經聞到陣辣味，食落唔係好辣，但食唔出有蒜香味，只食到係勁咸同辣，所以就叫還可以啦~
蒜香白酒汁海蜆意粉 (原價$88)依個一黎到就已經聞到好香既蒜香味，食落係好重蒜香味，相比個辣味意粉，依碟正勁多！但都係有同樣既問題，就係不論係意粉定海蜆都勁咸，不過真心正！
餐飲
餐飲方面小妹同男友就分別選擇咗蘋果汁(左)同冰水果茶(右)。
蘋果汁冇咩特別，所以都唔評論啦。
而冰水果茶就麻麻地，水果同紅茶一啲都唔夾。
餐飲方面真係需要有待改善...
但餐廳既整體表現都幾好，而且最後加埋一都係$283.8埋單，真心抵，所以會再黎試埋其他！
題外話/補充資料：
若然食晚餐的話，可以先訂枱，咁就唔洗等太耐。
(以上食評乃用戶個人意見 , 並不代表OpenRice之觀點。)
張貼
