老掌櫃東北菜館 (富達廣場)

營業中

休息中

夜晚去左老掌櫃食晚飯，吾洗加一只系收每位$5茶錢，而且每碟份量都大，價錢吾算貴，幾抵食。草捆牛骨 （小） $108原條牛肋骨用滷汁浸入味，之後起哂啲肉切片，再用荷葉包住去蒸，肉質非常軟嫩，接近入口即溶既感覺。醬汁似黑椒配紅燒汁，好惹味，個人推介！松鼠魚 $98想食松子魚但太大份既關係，店員推介松鼠魚，以龍利柳取代原條有骨魚，吾洗擔心有骨，可以啖啖肉地食。龍利柳原條炸，所以size同平時松子魚接近，炸得好香脆，魚肉仍然好嫩滑，加埋酸甜汁同松子仁、粟米、菠蘿、椰果等配料，大人細路都岩食！東北農家炒飯 $76材料簡單既炒飯，主要以蝦、雲耳碎、瓜粒、蕃茄等黎炒，但系入口飯粒粒分別，炒得夠乾身吾油膩，味道吾濃，可以配餸食飯。高力豆沙 $13一件高力豆沙系每次必點既甜品！呢度既高力豆沙好大粒，放一陣都無縮到好細，豆沙餡吾太甜，反而系表面太多砂糖。