來多碗車仔麵 (上海街)

營業中

休息中

跑完步好肚餓就黎左呢度食車仔麵，貪佢可以叫五個餸，可以食到飽一飽。呢度係order 俾左錢先，叫左粗麵配腩肉，蘿蔔，響鈴，午餐肉同埋牛筋。佢啲腩肉炆到好入味，肥瘦適中；蘿蔔幾甜同好大舊，份量幾多；響鈴索左啲湯汁，一定點都會好食😋午餐肉估唔到都有兩大塊；牛筋好淋好易咬開😍😍另一碗就叫左油麵配通菜，魷魚，咖哩魚蛋，紅腸，豆卜。魷魚份量都幾多同新鮮，咖哩魚蛋幾唔錯，夠彈牙，紅腸同豆卜正常。秘汁雞翼有四大隻，全部忟到好淋☺️☺️估唔到呢度的凍檸樂係用樽裝可樂😍😍跑完步梗係要飲可樂先得。因太口渴關係，再叫多左枝豆漿，佢唔會太甜，幾好飲。