魚你相聚

營業中

休息中

星期五晚上，約咗舊同事食晚餐，由於大家都鍾意食辣，揀咗呢間長沙灣地鐵站近嘅餐廳食酸菜魚，一打開餐牌，個價錢相當吸引。店員阿姐極力推介之下，叫咗個二至四人份量嘅酸菜魚，有三個辣度選擇，我哋揀咗半粒辣椒個湯底，另外我哋揀咗鱸魚，裏面有好多配菜，包括豆腐、娃娃菜等等，另外可以配飯/米線/薯粉，兩個女仔食唔晒太多澱粉質，阿姐話可以轉多份配菜俾我哋。個酸菜魚非常大份，材料份量及種類好多，唔會太辣，味道剛剛好，魚肉好滑又鮮味，呢個價錢$268絕對係超值。另外我哋加咗個鹽焗手撕雞（$42）做配菜，當然唔少得兩杯鹹檸七，$12一杯勁抵。雖然食得好飽，但我哋都決定食埋個甜品，先夠圓滿，於是我哋叫咗個紅糖糍粑（$28），熱辣辣，好好味，令到今日嘅晚餐更加圓滿。