影片
更多
2020-04-18
316 瀏覽
堅尼地城冇咩餐廳，行左半個鐘最後揀左食花園餐廳，因為見到午餐好似好抵咁我叫左A餐，落左柯打後一分鐘已經送上餐湯餐包，果然係老牌連鎖店，效率好高餐包微熱，搽牛油可以溶係上面唔錯羅宋湯有好多蔬菜係入邊，雖然冇牛肉，但係飲落有啲微辣入口幾惹味又估佢唔到岩岩食完個包就上埋個餐喇薯菜係簡單一啲粟米，一粒車厘茄，一棵小棠菜（好新穎嘅配搭）薯條唔係新鮮炸起，但唔會話好油，不過不失牛扒冇問幾成熟，我預左係全熟，但切開見到粉紅色都幾驚喜，佢切開仲有少少血水嘅，可能有啲人會接受唔到。塊牛扒有啲肥膏，有啲筋位，食到少少冰鮮味，但蒜蓉汁都蓋過陣味，呢個價位已經冇咩要求凍奶茶少甜少冰：第一次上好甜呀，好似飲緊糖漿咁，我叫侍應換番杯，佢都好好人即刻換比我，可惜個口已經甜到飲唔出咩味，應該都正正常常，唔會難飲環境都好好，位置闊落清靜，座位乾淨舒適，12點黎食都唔會同人搭枱，或者同疫情有關啦總結黎講野食唔算特別好食，但呢個價錢有咁嘅環境同服務已經好好至少好過大部分茶餐廳，難怪佢可以開咁多分店
我叫左A餐，落左柯打後一分鐘已經送上餐湯餐包，果然係老牌連鎖店，效率好高
餐包微熱，搽牛油可以溶係上面唔錯
羅宋湯有好多蔬菜係入邊，雖然冇牛肉，但係飲落有啲微辣入口幾惹味又估佢唔到
岩岩食完個包就上埋個餐喇
薯菜係簡單一啲粟米，一粒車厘茄，一棵小棠菜（好新穎嘅配搭）
薯條唔係新鮮炸起，但唔會話好油，不過不失
牛扒冇問幾成熟，我預左係全熟，但切開見到粉紅色都幾驚喜，佢切開仲有少少血水嘅，可能有啲人會接受唔到。
塊牛扒有啲肥膏，有啲筋位，食到少少冰鮮味，但蒜蓉汁都蓋過陣味，呢個價位已經冇咩要求
凍奶茶少甜少冰：第一次上好甜呀，好似飲緊糖漿咁，我叫侍應換番杯，佢都好好人即刻換比我，可惜個口已經甜到飲唔出咩味，應該都正正常常，唔會難飲
環境都好好，位置闊落清靜，座位乾淨舒適，12點黎食都唔會同人搭枱，或者同疫情有關啦
總結黎講野食唔算特別好食，但呢個價錢有咁嘅環境同服務已經好好至少好過大部分茶餐廳，難怪佢可以開咁多分店
張貼
