紅堂 (已結業)

經過見到抵食午市火鍋，見平平地，喜歡打邊爐的我當然不能錯過。套餐包括涼菜兩款、西班牙伊莉比豚梅肉、美國安格斯牛肩肉、雞肉、麻辣和牛餃、雲吞、墨魚松露丸！另外有蔬菜拼盤，炸魚皮配白飯和豆漿，仲有紅桑子冰粉，都算好抵食！西班牙嘅豬肉就最出名，而且切得夠薄身，煮1分鐘已經可以食得！肉質軟綿綿，好味到停唔到口，可惜份量不多，每人大概兩塊！雞肉有驚喜。而且套餐百零蚊，一人份量款式夠多，可以樣樣都試吓，啱晒心多多嘅我！額外叫咗西班牙霜降肉，形狀砌到似玫瑰花，好靚！食起嚟肉質彈牙，配麻辣湯底就最惹味啦！