泫居酒屋

營業中

休息中

去開啟德果邊，好似無乜野好食。近近地黎九龍城，大把選擇。呢間居酒屋係近大馬路，裝修係木系，幾靚。地鐵站出口都係幾分鐘路。呢日星期日，都有lunch menu, 好抵食。北海道蟹井 - $158價錢黎講幾公道，蟹肉、蟹膏、蟹籽都比得好大方。當中由其蟹膏好香，每啖放小小都夠晒成碗飯。仲有兩隻蟹鉗肉，唔似其他餐廳會好水好梅，呢隻好彈牙！生姜豚肉井 - $84豚肉色水好靚仔，酒味好重好香，mix埋洋蔥既甜，味道好好。豚肉唔會太肥，但保持到豬既香味。雖然色水咁靚仔，但唔會太濃味，出色。沙律，茶碗蒸，味噌湯 - 跟餐跟餐食品黎講，有茶碗蒸真係好大方，蛋好滑，有酒味，入面有獅子狗、嗚門卷，份量十足；沙律切到一絲絲好好咬口，又容易入口，和風沙律汁酸酸地，作為開胃小食一流；味噌湯都好多油揚同昆布，唔會太咸。