夏麵館 (寶石大廈) (已結業)

夏麵館呢間連鎖店喺屯門都有，不過今日喺荃灣做野，晚餐就來左呢度食。位於寶石大廈，餐廳環境大，樓底夠高，唔會有侷促感。而且就算二人枱，都夠大張，你知啦，好多餐廳寸金尺土，俾大少少張枱都唔肯。時間比較夜，人都唔多，坐得舒適。menu選擇多，主要都係上海野，涼拌、小食、飯麵等有齊，價錢唔貴。唔想用腦諗咁多，我地直接點左個幾抵食嘅二人餐。價錢係268蚊，包括酸辣湯/三鮮豆腐羹；涼菜兩款；小菜一款、飯或麵；甜品二選一，連埋加一人均百五蚊，好抵食啦。三鮮豆腐羹足料！有雞肉、蝦仁兩隻，仲有金華火腿絲、豆腐，一人一碗，暖暖地，湯底好清，唔會過份杰身，蝦仁新鮮爽口，飲完好舒服，口感又豐富涼菜可以揀兩款，揀左花雕醉雞，醉雞切得整齊，份量都算多喇，有成十零件。花雕酒味幾香，唔會好濃味，正常人都接受到。食落唔算滑，會實少少，但吸收左D酒味，都好食嘅美味海蜇同一般食嘅有D唔同，口感夠爽，但冇乜味，比較清淡，墊底係青瓜，又幾好，有兩樣野食下。糖醋蝦球都幾大份，足足有十隻蝦球，另外有洋蔥、菠蘿粒、彩椒等，甜酸度適中，所以就算冇飯送，空口食都唔會過份。蝦肉啖啖肉，大粒爽口，唔會太厚粉，唔錯架老上海炒麵即係上海粗炒啦，