禾璽牛肉海鮮火鍋

營業中

休息中

天氣涼爽開始轉凍，打邊爐又係最啱時候，尖沙咀有間新火鍋店，最緊要有個二人火鍋套餐，岩我兩公婆食，而且唔貴，平民合理價👍🏻。先有個招牌牛骨清湯底，最緊要係牛肉，有一份吊龍，肉質很嫩，牛味濃，食落口感好正😋，可以再encore。招牌脆皮雞一碟，又幾新鮮，雞皮掉一掉，好爽口，唔錯。仲有新鮮雞雜（提燈😝雞心🙂雞腎）香港好少機會有提燈食，值得試試👍🏻。有一份牛丸，食落幾彈牙，夠新鮮，好味。仲有一份蔬菜拼盤，款式都幾多，份量都幾足夠🙂‍↕️。最後仲有份油條，打邊爐食油條又有d奇怪，新嘗試😆，效果都唔差。整體嚟講都好好，吊龍必定要再encore，我是牛魔王，起碼食幾碟🤣🤣。