紅館

營業中

休息中

喺中環街市附近 有間西餐廳最近推出咗二人套餐嘅優惠 原價1024蚊嘅套餐而家只要$699 兩個人一齊去食 撐吓枱腳真係唔錯喎！
.
巴馬火腿沙律
打頭陣嘅前菜係一個巴馬火腿沙律 個火腿香口同沙律菜嘅清新配搭絕 唔錯唔錯 份量都好足夠滿足食慾
.
新鮮黑松露蘑菇忌廉湯
呢個湯係真心好正 湯底濃郁 仲有黑松露嘅香氣 加上新鮮蘑菇 令湯嘅口感更豐富 上面仲有一片片嘅黑松露 所以感覺都係用上咗真材實料
.
澳洲M9牛肩胛肉眼扒🇦🇺
M9牛肩胛肉眼扒肉質鮮嫩多汁 煎得恰到好處 而且都幾大塊.
黑松露卡邦尼
餐牌上原定嘅主菜 當日被更改成為黑松露卡邦尼 不過都幾好食 黑松露嘅味道好香 同意粉嘅醬汁完美融合 成碟意粉嘅份量亦都好多 
.
士多啤梨拿破崙
呢個士多啤梨拿破崙 酥皮薄薄 夾埋新鮮士多啤梨同忌廉 甜而不膩.朱古力蛋糕最後仲有一個朱古力蛋糕 都幾驚喜 聽個名好似有啲普通但食落都唔錯喎 朱古力味都幾濃～
.
紅館 紅館
📍中環干諾道中50號平台地面B舖
.
#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodi