大日子酒家

營業中

休息中

今日同屋企人去茶樓食午餐 呢間大日子酒家 閒日竟然都要等位 上到去兩個人一台都冇搭枱 值得加分 枱與枱之間空間都幾闊 而且餐具乾淨 衛生情況幾好 叫咗個菠蘿雞粒炒飯 份量超巨型 可以三個人食都得 炒飯唔油膩 菠蘿同雞粒都足料 飯粒炒到粒粒分明 而且仲係金黃色 師傅功價唔錯 價錢相宜嚟飲茶點可以唔食點心 首先叫咗個牛肉腸粉 腸 粉皮非常滑溜米香十足 入面包住厚厚嘅牛肉餡料 有少少唐芹味 牛肉溝粉唔算嚴重 仲食得出肉香我至愛嘅蝦餃 個皮晶瑩剔透 四粒大大粒 每粒入面包住兩至三隻蝦 蝦同豬肉比例啱啱好另一樣至愛就係燒賣啦 食落冇乜特別 不過夠曬足料 同樣有蝦同豬肉仲有少少香菇