影片
更多
2021-12-04
88 瀏覽
一行人行到攰攰地搵個地方坐下，見前面有咖吔，店內幾大環境唔錯，下午餐時段人也不多，就黎呢度啦。坐低後店員好快送上餐牌同水，揀下食咩先。跟餐加$12轉了特飲海鹽雪糕椰汁珍多冰＆美祿哥斯拉，杯珍多冰超正，椰汁又香又甜，雪糕又好味，呢杯好抵飲！杯美祿感覺就比較普通，凍美祿上面放了穀物波波，賣相是很可愛啦。先來碗新加坡喇沙米線，超香呀！下午茶來說份量好大碗喎，滿滿的米線，配料也不少，有豆卜，魚蛋，魚片，通菜，大蝦同溏心蛋。米線幾彈牙好正，吸了湯汁超好味嘛。湯底濃郁香滑，微微辣好惹味，太正了最後飲晒成碗湯。再來有星洲香辣炒飯，大大碟炒飯加了兩串雞肉串燒。雞肉串是咖哩味的，肉嫩香口。炒飯炒得乾身不油膩，有蝦，魷魚，鴨肉，豆角同炒，仲加了辣椒粉，少少辣越食越好味，呢碟炒飯份量兩個人都夠食。又叫個小食牛油果五色米紙卷，色彩豐富好吸睛。蔬菜好爽口水嫩鮮甜，下面是芒果醬，又香又甜幾好味，唯獨係米紙卷的卷皮太硬了，扣分。最後仲有烤馬來蔥餅配咖哩，朋友話好想食呢樣係後加的，即叫即制，塊餅熱辣辣㗎。馬來蔥餅好似蔥油餅咁，但無咁油同酥化，入口挺乾身，旁邊的咖哩汁也不特出，味道有點寡，可能係喇沙湯太濃郁蓋過個咖哩汁
坐低後店員好快送上餐牌同水，揀下食咩先。
跟餐加$12轉了特飲海鹽雪糕椰汁珍多冰＆美祿哥斯拉，杯珍多冰超正，椰汁又香又甜，雪糕又好味，呢杯好抵飲！杯美祿感覺就比較普通，凍美祿上面放了穀物波波，賣相是很可愛啦。
先來碗新加坡喇沙米線，超香呀！
下午茶來說份量好大碗喎，滿滿的米線，配料也不少，有豆卜，魚蛋，魚片，通菜，大蝦同溏心蛋。
米線幾彈牙好正，吸了湯汁超好味嘛。
湯底濃郁香滑，微微辣好惹味，太正了最後飲晒成碗湯。
再來有星洲香辣炒飯，大大碟炒飯加了兩串雞肉串燒。
雞肉串是咖哩味的，肉嫩香口。炒飯炒得乾身不油膩，有蝦，魷魚，鴨肉，豆角同炒，仲加了辣椒粉，少少辣越食越好味，呢碟炒飯份量兩個人都夠食。
又叫個小食牛油果五色米紙卷，色彩豐富好吸睛。
蔬菜好爽口水嫩鮮甜，下面是芒果醬，又香又甜幾好味，唯獨係米紙卷的卷皮太硬了，扣分。
最後仲有烤馬來蔥餅配咖哩，朋友話好想食呢樣係後加的，即叫即制，塊餅熱辣辣㗎。
馬來蔥餅好似蔥油餅咁，但無咁油同酥化，入口挺乾身，旁邊的咖哩汁也不特出，味道有點寡，可能係喇沙湯太濃郁蓋過個咖哩汁了吧。除了個蔥餅有點失望外，其他幾樣都好好味，份量超大完全食唔晒，包走左一半，哈哈。原來下午茶餐牌所有食品都跟餐飲，開頭點時以為係小食呢，朋友要了的餐飲忘了拍照，記得佢話杯香茅茶好好飲。整體黎講好食又好坐位，價錢不貴，有下次！
張貼
