羅東肉焿番

營業中

休息中

放工返屋企途中想食牛肉麵，不過睇時間已經六點幾，晚市禁食實施緊，唯有買返屋企食！行到體育館見到呢間台灣美食好多人都會去排隊，應該同我一樣買外賣返屋企！見到餐廳嘢食選擇都有唔少，有台式小食、台式粉面飯、仲有埋芋圓湯水添！我揀咗個台灣牛肉麵比自己屋企人佢哋話想食抗疫外賣便當「三雞」，仲叫咗個台灣肉焿湯米粉！等咗大概三個字左右就拎得啦，真係好快手！台灣牛肉麵原來牛肉麵可以咁Q彈，果然係手工麵條！麵條好吸汁，每口都係牛肉味！ 牛肉如果切到大舊啲就靚仔啦！抗疫外賣便當「三雞」就真係好抗疫！大大份！有鹽酥雞、古早味雞卷、雞槌、半隻糖心蛋、大魯肉飯！拎到返屋企仲好吸引！好香！大件夾抵食！ 下次加多粒糖心蛋先！台灣肉焿湯米粉有啲似碗仔翅，味道都OK!疫情過後，我要坐定定喺度食！仲要食遇見芋泥吐司先