海鍋手工涮涮鍋 (已結業)

原來佢有個set嘅，以人頭計，咁就可以方便唔洗用腦計。佢有兩個set，我就要咗個每位199，就有蝦、蟹、蜆、刀貝蜆、鮑魚同手切肥牛。同埋可以係48款配料揀6款，同一個湯底。四川麻辣湯底，飲落同平時嘅麻辣湯底唔同，飲落比較似中湯，好香而且唔會太辣，同埋層次感都好高，唔會話好似好化學落啲辣油咁。整體上海鮮都好新鮮，因為係即叫即劏嘅，啲蝦仲郁緊添。所以食落都唔會話好臭腥味，而蜆嗰啲完全冇沙，食落好順口好舒服。配料方面都幾好，特別嘅係叫咗個手工紫菜墨魚丸，食落墨魚丸真係好彈牙，食到好重嘅墨魚味，而且紫菜味都好出，兩個味道相輔相成，值得一叫。