影片
更多
2025-05-11
0 瀏覽
但門口張1號枱個爐係唔「滾」ge個電磁爐連住張台，有時又跳制，又跳mode，過一陣仲熄埋。於是我舉手叫侍應黎幫手，開頭佢著返個爐，咁我以為冇事啦。點知跳mode、跳制、熄機、舉手叫侍應，呢個循環 玩左2、3次都係咁，我都登個侍應慘，個爐壞ge 關佢咩事，又抹下個控制板，又移黎移去台面d野，搞餐死，都係無用。個爐呢，就係滾與唔滾之間， 叫做熱住個湯，去到有泡開始滾喇就停火，可能新派潮汕牛肉火鍋興咁食掛。D牛肉本身淖10零秒就食得，呢個爐要淖成分鐘我先敢食。d肉唔係話唔新鮮定點，係鞋到一個點。後尾有2個男士行埋黎，走埋黎又抹個控制板面。我話：「冇用架，抹過幾次都係咁。」佢一路係咁抹，又口噏噏笑笑口咁，於是我就問:「如果又唔得咁點啊？」問左幾次，無回應。跟住收銀位個男人唔知係爐底整個開關定點，話個爐係咁。好喇，咁比你整咯，又真係比佢整到，無跳制wo。掂！係無跳制，不過，個爐好似我屋企個電磁爐，開一粒火咁，係咁易滾，放多幾條菜就唔滾喇。個收銀男士見個爐終於無熄，就走埋黎問佢咪ok 喇。我話係無熄，不過個爐唔滾咯，佢跟住講左句：「係咁架⋯⋯」我聽完就話：「我係大陸食八合里都唔係咁架wo」佢就話：
個電磁爐連住張台，有時又跳制，又跳mode，過一陣仲熄埋。於是我舉手叫侍應黎幫手，開頭佢著返個爐，咁我以為冇事啦。
點知跳mode、跳制、熄機、舉手叫侍應，呢個循環
玩左2、3次都係咁，我都登個侍應慘，個爐壞ge 關佢咩事，又抹下個控制板，又移黎移去台面d野，搞餐死，都係無用。
個爐呢，就係滾與唔滾之間， 叫做熱住個湯，去到有泡開始滾喇就停火，可能新派潮汕牛肉火鍋興咁食掛。
D牛肉本身淖10零秒就食得，呢個爐要淖成分鐘我先敢食。d肉唔係話唔新鮮定點，係鞋到一個點。
後尾有2個男士行埋黎，走埋黎又抹個控制板面。我話：「冇用架，抹過幾次都係咁。」佢一路係咁抹，又口噏噏笑笑口咁，於是我就問:「如果又唔得咁點啊？」問左幾次，無回應。跟住收銀位個男人唔知係爐底整個開關定點，話個爐係咁。好喇，咁比你整咯，又真係比佢整到，無跳制wo。掂！
係無跳制，不過，個爐好似我屋企個電磁爐，開一粒火咁，係咁易滾，放多幾條菜就唔滾喇。
個收銀男士見個爐終於無熄，就走埋黎問佢咪ok 喇。我話係無熄，不過個爐唔滾咯，佢跟住講左句：「係咁架⋯⋯」我聽完就話：「我係大陸食八合里都唔係咁架wo」佢就話：「香港d 爐同大陸唔同⋯⋯」
（中間d 語句記唔哂，未能盡錄）
第一：我係大陸食過八合里、潮汕火鍋，最緊要水滾，個撈咁大個就係想出水快，等d肉唔好煮太耐，變到鞋一鞋。
我唔知佢果句「係咁架」，係咪想講八合里潮汕牛肉火鍋就係咁，定係香港八合里潮汕牛肉火鍋係咁，定係沙田呢間八合里潮汕牛肉火鍋係咁。
第二：由於等個爐滾需時，我又好奇心重，於是望下隔離枱個爐。嘩，滾到呢，個煲圓周範圍內，氣泡起伏不斷。 佢講果句係咁架，係想講成間沙田八合里牛肉火鍋d爐都係咁？定淨係呢張枱個爐之前一路都係咁？
我話：「無用喇，個爐都唔滾。」最尾個男士講左句：「無哂枱，我都轉唔到比你」
第三：我都知你無奈，枱又full哂，個爐又係咁，又真係無能為力wo，佢仲幫手整著個爐添。我都感受到佢盡力想息事寧人，唔想客戶投訴。
但係個爐又 真係唔滾wo。 過程中除咗一路抹順便講唔好意思，呢間舖d員工完全無就個爐的表現表示歉意。
轉唔到枱係你哋問題，個爐唔滾都係你哋問題。好明顯，唯一解決方案就係我出少句聲，將就下，硬食左佢，唔好投訴啦。
我見佢都比唔到任何方案我，咁咪等個爐慢慢煮咯。
過左陣佢上左碟我無落單的芭樂。我就無食ge，同台兩位就食左幾舊。後尾我見菜都終於煮哂，就去埋單。
埋到去個收銀男士，佢無再對個爐表達任何意見，淨係問我將單岩唔岩。我就埋單，拎包，閃人。
我唔再同佢傾唔代表我接受。係我都唔想浪費自己時間，等佢比到個令食客受到最基本待遇的方案。
我入黎沙田呢間八合里潮汕牛肉火鍋，係好純粹想食潮汕牛肉火鍋，我無唸過要食慢煮牛肉，都無唸過坐門口將枱要用個係咁ge爐（但有芭樂送），可能係咁架，我唔知規矩啦。
如果一早知，我都入黎食，咁就係我接受啦。
我不接受，所以係度同大家講聲：「係咁架。」
自己睇路啦。
張貼