影片
更多
2023-11-14
917 瀏覽
大閘蟹同辣嘢不嬲都唔係我最但係老婆大人鍾意我當然本咗條命都陪佢食！所以呢晚我哋去咗食大閘蟹加川菜所以佢開心到爆炸。揀咗去K11 MUSEA嘅鄧記川菜呢間川菜館同我之前去過嘅有好大分別，入面嘅裝修好型仔唔講真係唔知佢係食中菜，仲有個勁正嘅酒吧同埋開揚嘅維港靚夜景，咁嘅配套嚟呢度食飯真係冇得輸啦。我哋今晚10個人就係喺呢間房度開大餐，地方夠晒大而且我哋咁嘈啱晒啦哈哈哈。乜嘢都唔好講住整返杯正嘢飲下先！呢杯叫做陽澄湖酒香尋唔講你唔知呢個係用花雕整出嚟嘅雞尾酒，個杯邊仲黐滿話梅同埋陳皮粉，記住唔好用飲筒就會飲到又酸又甜又香酒味嘅正嘢，好味到我飲咗兩杯啊嘻嘻。有靚酒梗係要有啲送酒嘅小食嘅！枱面呢個香脆花生炸黃豆要來送酒一絕。人齊可以上菜我哋嗌咗大閘蟹套餐因為唔使煩吖嘛！呢個大閘蟹套餐有成九個菜咁多今晚飽囉！前菜有三碟呢一個係涼拌墨魚，唔食得辣嘅我都覺得呢個涼拌墨魚唔算好辣，墨魚條食落去仲好香好軟勁醒胃。想清爽啲呢一個蒜汁秋葵就啱晒喇！好鬼鍾意秋葵外面脆脆入面黏黏嘅口感唔知你哋又欣唔欣賞呢。跟住呢個就啱晒我因為係鮮椒子薑牛舌，又香又軟嘅牛舌好濃味不過我食嘅時候一定要撇開啲辣椒！下面嘅子薑就啱晒老婆
揀咗去K11 MUSEA嘅鄧記川菜呢間川菜館同我之前去過嘅有好大分別，入面嘅裝修好型仔唔講真係唔知佢係食中菜，仲有個勁正嘅酒吧同埋開揚嘅維港靚夜景，咁嘅配套嚟呢度食飯真係冇得輸啦。
我哋今晚10個人就係喺呢間房度開大餐，地方夠晒大而且我哋咁嘈啱晒啦哈哈哈。
乜嘢都唔好講住整返杯正嘢飲下先！呢杯叫做陽澄湖酒香尋唔講你唔知呢個係用花雕整出嚟嘅雞尾酒，個杯邊仲黐滿話梅同埋陳皮粉，記住唔好用飲筒就會飲到又酸又甜又香酒味嘅正嘢，好味到我飲咗兩杯啊嘻嘻。
有靚酒梗係要有啲送酒嘅小食嘅！枱面呢個香脆花生炸黃豆要來送酒一絕。
人齊可以上菜我哋嗌咗大閘蟹套餐因為唔使煩吖嘛！呢個大閘蟹套餐有成九個菜咁多今晚飽囉！
前菜有三碟呢一個係涼拌墨魚，唔食得辣嘅我都覺得呢個涼拌墨魚唔算好辣，墨魚條食落去仲好香好軟勁醒胃。
想清爽啲呢一個蒜汁秋葵就啱晒喇！好鬼鍾意秋葵外面脆脆入面黏黏嘅口感唔知你哋又欣唔欣賞呢。
跟住呢個就啱晒我因為係鮮椒子薑牛舌，又香又軟嘅牛舌好濃味不過我食嘅時候一定要撇開啲辣椒！下面嘅子薑就啱晒老婆大人食。
我哋每人都有碗海椰皇燉玉竹老雞湯，熱辣辣嘅靚湯又香又甜梗係好味啦。
跟住今日嘅重中之重大閘蟹上枱喇！我哋每人都可以有一隻五両半重嘅大閘蟹公，以揀清蒸或者花椒煎焗我同老婆大人梗係每樣要一隻啦。
雖然我唔係好鍾意食大閘蟹嘅膏！但係老婆大人搣到咁樣俾我食幾唔鍾意都覺得又甜又好食，不過講真呢隻大閘蟹嘅肉真係好鮮甜嘅，啲膏咪交俾老婆大人幫我搞掂佢囉。
另外呢隻花椒煎焗大閘蟹比佢打破晒我嘅固有思想！原來用花椒焗嘅大閘蟹可咁甘香咁正，面頭一粒粒嘅花椒記住要食埋佢啊，好似食緊小食咁脆卜卜勁過癮。
食完蟹之後送咗碟又邪惡又好味嘅蟹粉豆苗嚟，蟹粉拆得好企理全程冇食到有蟹殼，仲要一啲腥味都冇剩係得鮮甜甘香嘅味道加埋啲嫩口豆苗正呀。
去到差唔多尾聲有呢個勁香口嘅和牛粒麻婆豆腐，唔食牛肉嘅老婆大人都要嗌個白飯嚟撈豆腐食，咁你哋就知道呢個麻婆豆腐幾好味啦！對我嚟講係辣咗啲不過撈飯食都可以嘅，最重要係啲和牛粒真係好香好好味勁正。
如果唔夠飽唔使驚因為呢個餐仲有一份花膠蟹粉拌麵！蟹粉拌麵已經夠豐富加埋啲花膠更加唔得了！師傅好鬼細心仲整多碗雞湯絕對唔會怕乾。
食大閘蟹有薑汁乜乜乜做甜品就一定㗎啦！我哋呢晚食嘅都係傳統薑汁湯圓，食完寒涼嘅大閘蟹要嚟暖胃就一流，再加多兩粒胖胖嘅湯圓想唔飽都幾難。
張貼
