茶聊

營業中

休息中

做完facial約左朋友係旺角dinner揀左間樓上打卡Cafe設有靠窗既單排座位，可以欣賞到街景，體驗一下鬧市中既寧靜。🍔茶聊招牌漢堡配凱撒沙律及薯條 $158(安格斯牛肉、太陽蛋🍳、煙肉🥓、芝士🧀、洋蔥、蕃茄🍅) 漢堡鬆軟烘到微脆🤏，安格斯牛肉帶有濃厚既牛肉香味，好足料。夾埋配料一齊食，味道豐富且層次分明。海王櫻花珍寶巨蝦配龍蝦忌廉汁扁意粉扁 $188巨蝦外層沾上櫻花蝦炸成，食落鹹香惹味，口感微脆。 蝦肉爽口彈牙，都幾鮮甜。龍蝦忌廉汁味道濃郁，扁意粉非常之掛汁，仲加左蕃茄粒煮成， 味道層次豐富。髒髒黑糖珍珠鮮奶 $44賣相打卡一流📸髒髒即係可可粉， 同鮮奶攪勻變成又香又滑既朱古力鮮奶。黑糖味唔算突出，整體都唔係太甜。珍珠煙韌彈牙，嚼勁十足！熊啤啤咖啡牛奶 $44熊仔冰塊係由咖啡製成，可愛到爆之餘亦唔會愈飲愈淡， 可以根據自己喜好，先倒入適當牛奶份量再倒咖啡。宇治抹茶忌廉牛油千層酥配雪糕 $98牛油千層酥十分酥脆，切開中間有滿滿既抹茶忌廉醬，味濃郁甘香。配埋雲呢拿雪糕一齊食，滿足。