影片
更多
2021-10-27
334 瀏覽
火鍋店喺佐敦一棟舊樓，舖位超大，裝修唔錯，睇報道話用咗1200萬裝修，等位時可以去參考team lab 的房仔打卡。叫咗「金泊清酒海鮮鍋」($368)，侍應會係你面前即席開爐，先落牛油、蒜頭、紅蔥頭、芹菜、黑胡椒等炒香，然後加海鮮、味醂落去煮，另備三杯清酒，俾你自己落。海鮮有蟹、蝦、蜆，全部都新鮮。牛油胡椒味好香，唔錯嘅選擇，但呢一個作為打邊爐嘅湯底，就會無以為繼，因為加咗清湯落去之後，個湯底嘅味會越來越淡，去到後期可能只係得一啲胡椒味，如果想用嚟淥一啲吸湯嘅食物，例如響鈴，就麻麻啦。果仁蝦丸($78)蝦滑中加了各式果仁，例如開心果，個人麻麻哋呢一款，雖然增添咗口感，但食起上嚟有啲果仁幾大粒，喧賓奪主咗，蝦滑本身應該食佢彈牙口感。三色餃($88)餐牌介紹話係黑松露長腳蟹餃、芝士鮮菌餃、野生松茸餃，結果最終嚟到，三款入面都有芝士，我都分唔到邊一款打邊一款。脆鯇骨腩($68)有六件，唔太有草腥味，夠爽。金沙青($58)金沙青即係豬肉金沙骨表層的肉，食落似豬頸肉，呢度切成條狀，淥約五分鐘，好爽口，好好食，必食推介。炸響鈴($58)即炸，拎上枱時熱辣辣，亦feel到好油😂 我唔小心跌咗兩舊落地
叫咗「金泊清酒海鮮鍋」($368)，侍應會係你面前即席開爐，先落牛油、蒜頭、紅蔥頭、芹菜、黑胡椒等炒香，然後加海鮮、味醂落去煮，另備三杯清酒，俾你自己落。海鮮有蟹、蝦、蜆，全部都新鮮。牛油胡椒味好香，唔錯嘅選擇，但呢一個作為打邊爐嘅湯底，就會無以為繼，因為加咗清湯落去之後，個湯底嘅味會越來越淡，去到後期可能只係得一啲胡椒味，如果想用嚟淥一啲吸湯嘅食物，例如響鈴，就麻麻啦。
果仁蝦丸($78)
蝦滑中加了各式果仁，例如開心果，個人麻麻哋呢一款，雖然增添咗口感，但食起上嚟有啲果仁幾大粒，喧賓奪主咗，蝦滑本身應該食佢彈牙口感。
三色餃($88)
餐牌介紹話係黑松露長腳蟹餃、芝士鮮菌餃、野生松茸餃，結果最終嚟到，三款入面都有芝士，我都分唔到邊一款打邊一款。
脆鯇骨腩($68)
有六件，唔太有草腥味，夠爽。
金沙青($58)
金沙青即係豬肉金沙骨表層的肉，食落似豬頸肉，呢度切成條狀，淥約五分鐘，好爽口，好好食，必食推介。
炸響鈴($58)
即炸，拎上枱時熱辣辣，亦feel到好油😂 我唔小心跌咗兩舊落地，搞到地板好跣，唔好意思🤡
蝴蝶腩($68)
錯手叫咗，真係唔太適合用嚟打邊爐，仲要係我呢款湯底，成舊肉有啲韌口又無乜味道。
皇帝菜($38)
新裝修所以好企理，坐得幾舒服，抽風系統幾好，食完都唔會成身邊爐味。火鍋料價錢唔算貴，湯底如果揀普通鴛鴦嗰啲，都係百幾蚊，所以都ok。唯一佢完全唔會俾茶同水你，水得still同sparkling 要俾錢嗰種，最終叫咗啤酒。
#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #香江花月 #邊爐 #打邊爐 #火鍋 #邊爐推介 #火鍋推介 #Hotpot #金沙青 #TeamLab #TeamLab邊爐 #佐敦美食
張貼
