去滾

營業中

休息中

呢間港式火鍋店結合香港懷舊新派元素，裝潢佈置獨特，充滿打卡位置，座位闊落，空間感十足，無油煙味，唔怕食完臭。食物方面提供多款精選湯底同食材，仲有特色小食同甜點供應，難怪平日晚上都坐滿，想食嘅建議預先Book枱。去滾唔係叫雞呀嘛？原個椰子雞湯採用三黃雞，肉質鮮嫩多汁，倒入原個椰子水，加上椰子、馬蹄等配料熬煮，湯底鮮甜，每一啖都係精華，加埋新鮮油麥菜、唐生菜、菜心苗、粟米、炸豆卜、滑豆腐、出前一丁等，吸滿湯汁，好入味。私心推介脆爆響鈴，即叫即整，新鮮熱辣辣，超級脆身，而且唔油膩、黃金豆腐鹹蛋黃香氣四溢，豆腐軟嫩。甜點方面同樣出色，唔係椰菜花椰香脆麻花薄身且脆，好甜好肥、雜果味爆爆珠仙草凍夠曬解暑、生日可以叫埋壽桃慶祝🤣