醉潮館

營業中

休息中

荃灣三陂坊成條街都係食店，之前夜晚都係呢條街食過幾間既食店，今次輪到呢間潮州菜館喇！🥢鴨蛋煎蠔烙酥脆金黃色餅底，裡面爆多蠔仔，仲要粒粒都咁飽滿，口感鮮嫩，沾上魚露&豆瓣醬，更惹味🥢蜜桃咕嚕肉咕嚕肉係我最愛😍每次去中菜館都係必點咕嚕肉多數餐廳都係配菠蘿，今次配蜜桃更香甜，咕嚕肉岩岩炸好，外脆內軟，肉質軟滑好juicy，仲係冇骨嫁，酸酸甜甜既醬汁，好開胃，仲想食多碗飯呀⋯⋯🥢籠仔荷葉膏蟹蒸飯陣陣清香既荷葉味，膏蟹爆多膏，又香又濃，蟹肉既鮮味&荷葉本身既香氣滲入係飯裡面，加入臘腸，成個飯昇華左📍醉潮館荃灣三陂坊30號地下