花園餐廳 (石山街)

營業中

休息中

辛苦搵來志在食, 今日為咗好好慰勞自己去咗間遠近馳名的扒房食晚餐。餐廳裝修相當具有西方古典氣息, 高雅嘅環境配合古典音樂, 氣派十足, 情調一流。今次我叫咗個焗蕃茄牛脷飯。焗蕃茄牛脷飯 (跟餐包、餐湯、熱飲） $64餐湯我點咗羅宋湯, 碗湯味道唔算好濃烈, 材料尚算多, 有洋蔥、紅蘿蔔, 味道對我而言算偏淡, 蕃茄味唔係好突出。餐包軟熟適中, 配上牛油, 為今餐飯打開序幕。焗飯賣相相當吸睛, 蕃茄配上陣陣焦香,送飯一流, 主角牛脷相當煙韌軟熟, 入口能感陣陣嘅牛香, 加上磨菇伴碟, 為成道焗飯喺呢個畫龍點睛嘅作用！