更多
2025-06-15
184 瀏覽
今次試咗呂錦記嘅手撕雞套餐,叫咗兩個一人餐,分別配搭咗唔同小食,順便試埋佢哋嘅飲品。第一款一人餐:原味手撕雞 + 雞腎原味手撕雞肉質算嫩滑,唔會太柴,雞皮部分啲油脂啱啱好,入口唔會覺得膩,調味方面唔會話好鹹,我覺得岩岩好!雞腎係我覺得幾驚喜嘅位,處理得乾淨無腥味,爽口彈牙,滷水味道滲入得幾入,略帶微辣,幾開胃,好惹味。第二款一人餐:孜然味手撕雞 + 雞腳呢款就重口味啲,孜然味好搶,但又唔會蓋過雞肉本身嘅味道,調味偏辣,適合鍾意濃味嘅人。雞肉一樣係手撕,但孜然版本嘅雞肉感覺比較乾身啲。雞腳係煙燻味道,滷得入味但唔會太鹹,非常過癮,邊食邊吸啲辣汁,真係好滿足。整體嚟講,份量算幾大,好足夠飽,雞肉處理得唔錯,調味唔錯,特別係小食部分幾有驚喜。加埋白飯好滿足!
原味手撕雞肉質算嫩滑,唔會太柴,雞皮部分啲油脂啱啱好,入口唔會覺得膩,調味方面唔會話好鹹,我覺得岩岩好!
雞腎係我覺得幾驚喜嘅位,處理得乾淨無腥味,爽口彈牙,滷水味道滲入得幾入,略帶微辣,幾開胃,好惹味。
第二款一人餐:孜然味手撕雞 + 雞腳
呢款就重口味啲,孜然味好搶,但又唔會蓋過雞肉本身嘅味道,調味偏辣,適合鍾意濃味嘅人。雞肉一樣係手撕,但孜然版本嘅雞肉感覺比較乾身啲。
雞腳係煙燻味道,滷得入味但唔會太鹹,非常過癮,邊食邊吸啲辣汁,真係好滿足。
整體嚟講,份量算幾大,好足夠飽,雞肉處理得唔錯,調味唔錯,特別係小食部分幾有驚喜。加埋白飯好滿足!
張貼