影片
更多
2023-07-20
1450 瀏覽
終於再度食到『包販子』嘅岀品！雖然佢地改咗名搬咗舖，但一樣咁盞鬼。漢堡一樣咁足料好食，今次專程黎土瓜灣完全無失望！餐牌選擇比想像中多，除左玩味fusion漢堡，亦有意粉、多款小食、甜品、手工啤酒等。店面幾大幾好坐~▪️招牌!!!手打牛肉漢堡 $128果然係招牌！塊打手牛肉超多汁，一路咬一路滴！肉質軟腍牛味濃。牛肉被蓋上一層Gouda cheese，味道濃郁得黎唔會太鹹，不過偶爾會搶左少少牛味，另外仲有唔少拉絲芝士。麵包外脆內軟，好香牛油味。頂頂嘅洋蔥圈都好好食，酥脆唔油膩，內𥚃保留左洋蔥爽脆嘅口感。▪️欖菜酸蘿蔔豬腩肉包 $88極邪惡嘅豬腩肉包！兩大塊豬腩表面薄薄一層好酥脆，肉質相當軟腍，肥膏位帶點入口即化。一開頭唔係好習慣有欖菜同酸蘿蔔嘅存在，但食食下又幾得意又解膩，同時可以增添爽脆口感。▪️陀地西多 $66完全係為咗呢個西多士而黎！西多士外層微脆，軟熟有彈性，蛋香十足。雖為無餡，但加埋上面厚厚一磚、好濃花生味嘅雪糕，冷熱交融好鬼正！特別鍾意花生脆脆同香甜butterscotch，口感層次更為豐富，亦更邪惡。整體食落無想像中咁甜，但就有少少膩，建議同朋友開心share！
餐牌選擇比想像中多，除左玩味fusion漢堡，亦有意粉、多款小食、甜品、手工啤酒等。店面幾大幾好坐~
▪️招牌!!!手打牛肉漢堡 $128
果然係招牌！塊打手牛肉超多汁，一路咬一路滴！肉質軟腍牛味濃。牛肉被蓋上一層Gouda cheese，味道濃郁得黎唔會太鹹，不過偶爾會搶左少少牛味，另外仲有唔少拉絲芝士。麵包外脆內軟，好香牛油味。頂頂嘅洋蔥圈都好好食，酥脆唔油膩，內𥚃保留左洋蔥爽脆嘅口感。
▪️欖菜酸蘿蔔豬腩肉包 $88
極邪惡嘅豬腩肉包！兩大塊豬腩表面薄薄一層好酥脆，肉質相當軟腍，肥膏位帶點入口即化。一開頭唔係好習慣有欖菜同酸蘿蔔嘅存在，但食食下又幾得意又解膩，同時可以增添爽脆口感。
▪️陀地西多 $66
完全係為咗呢個西多士而黎！西多士外層微脆，軟熟有彈性，蛋香十足。雖為無餡，但加埋上面厚厚一磚、好濃花生味嘅雪糕，冷熱交融好鬼正！特別鍾意花生脆脆同香甜butterscotch，口感層次更為豐富，亦更邪惡。整體食落無想像中咁甜，但就有少少膩，建議同朋友開心share！
張貼
